فيديو: قراءة البيانات من تمثيل بياني بالأعمدة يتضمَّن الضرب

يوضِّح التمثيل البياني بالأعمدة التالي إجمالي عدد الأميال التي قطعها خمسة أشخاص كانوا يُمارِسون رياضة المشي لمسافات طويلة في الصيف الماضي. أيُّهم مشى مسافة أكثر من ضِعف المسافة التي مشاها أمير؟

٠١:٤٤

‏نسخة الفيديو النصية

يوضّح التمثيل البياني بالأعمدة التالي إجمالي عدد الأميال التي قطعها خمسة أشخاص، كانوا يمارسون رياضة المشي لمسافات طويلة في الصيف الماضي. أيهم مشى أكثر من ضعف المسافة التي مشاها أمير؟

في الرسم البياني اللي عندنا فيه مجموعة أعمدة باللون الأخضر. ودي بتمثّل عدد الأميال اللي مشيها أمير وباسم وعادل ونبيل وكريم. ودلوقتي عايزين نعرف أي شخص فيهم مشي مسافة أكتر من ضعف المسافة اللي مشيها أمير. وبكده محتاجين الأول نحدّد المسافة اللي مشيها أمير من الرسم. وبعدين نحسب ضعف المسافة دي.

العمود الرأسي اللي فوق اسم أمير لو وصّلنا قمته بالخط الرأسي اللي بيمثّل عدد الأميال، هنلاقي إنه بيساوي أربعة وتلاتين. معنى كده إن المسافة اللي مشيها أمير بتساوي أربعة وتلاتين ميل. وبعدين هنحسب ضعف المسافة دي. وضعف أي عدد يعني كأننا ضربناه في اتنين. وبالتالي هنحسب دلوقتي حاصل ضرب أربعة وتلاتين في اتنين. أربعة في اتنين بيساوي تمنية. وتلاتة في اتنين بيساوي ستة. ضعف المسافة هي العدد تمنية وستين.

وبالتالي لو دوّرنا في الرسم على المسافة الأكتر من تمنية وستين، هنلاقي سبعين. وسبعين هي عدد الأميال اللي مشيها كريم. وبكده استنتجنا من الرسم البياني إن كريم هو اللي مشي مسافة أكتر من ضعف المسافة اللي مشاها أمير.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.