فيديو: إيجاد أطوال الخطوط المستقيمة في مثلث متساوي الساقين باستخدام خواصه

في الشكل الآتي، أوجد طول القطعة المستقيمة ﻙﻝ.

٠١:٣٣

‏نسخة الفيديو النصية

في الشكل الآتي، أوجد طول القطعة المستقيمة ك ل.

ومعطى عندنا الشكل اللي قدامنا، وهو عبارة عن المثلث م ل ن. وهنلاحظ من الشكل إن المثلث م ل ن متساوي الساقين؛ لأن معطى عندنا إن م ل يساوي م ن. فبما أن م ل يساوي م ن … وهنلاحظ أيضًا في الشكل، إن القطعة المستقيمة م ك عمودية على القطعة المستقيمة ل ن.

فخلّينا نفتكر إن المستقيم المرسوم من رأس المثلث المتساوي الساقين، وعموديًّا على القاعدة، ينصّف كلًّا من القاعدة وزاوية الرأس. يعني معنى كده إن هيبقى قياس الزاوية دي، بيساوي قياس الزاوية دي. وفي نفس الوقت القطعة المستقيمة م ك، هتنصّف القاعدة اللي هي القطعة المستقيمة ل ن. فمعنى كده إن هيبقى عندنا ك ل يساوي ك ن.

بعد كده هنلاحظ إن معطى عندنا في السؤال طول القطعة المستقيمة ل ن، واللي هو أربعة وخمسين سنتيمتر. فبالتالي بما إن ل ن يساوي أربعة وخمسين سنتيمتر، إذن هيبقى ك ل بيساوي نص ل ن. يعني هيبقى بيساوي نص في أربعة وخمسين. فلمّا نحسبها هتبقى بتساوي سبعة وعشرين. وبالتالي هيبقى ك ل بيساوي سبعة وعشرين سنتيمتر. وبالتالي هتبقى هي دي إجابة السؤال: «أوجد طول القطعة المستقيمة ك ل».

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.