فيديو: المثلث قائم الزاوية والقاطع

أوجد قا(ﺏ)، إذا كان ﺃﺏﺟ مثلثًا قائم الزاوية في ﺟ؛ حيث ﺃﺟ = ٥ سم، ﺏﺟ = ١٢ سم.

٠١:٤١

‏نسخة الفيديو النصية

أوجد قا ب إذا كان أ ب ج مثلثًا قائم الزاوية في ج. حيث أ ج يساوي خمسة سنتيمتر، ب ج يساوي اتناشر سنتيمتر.

طيّب معطى معانا في السؤال المثلث القائم الزاوية أ ب ج، ومطلوب نحسب قا ب. طيّب الدالة قا هي مقلوب الدالة جتا. فعلشان نحسب قا ب ممكن نحسب جتا ب، ونجيب المقلوب بتاعها؛ فيبقى هو ده قا ب.

طيّب علشان نحسب جتا ب، محتاجين نعرف طول الضلع أ ب. فمن قاعدة المثلث قائم الزاوية؛ طول الضلع أ ب هيساوي الجذر التربيعي لخمسة تربيع زائد اتناشر تربيع. ولو حسبنا المقدار ده، هيطلع بيساوي تلتاشر سنتيمتر. يبقى إذن أ ب يساوي تلتاشر سنتيمتر.

طيّب جتا ب هتبقى عبارة عن النسبة ما بين الضلع ب ج والضلع أ ب، فهتبقى بتساوي اتناشر على تلتاشر. طيّب بما إن الضلع ب ج يساوي اتناشر سنتيمتر، والضلع أ ب بيساوي تلتاشر سنتيمتر. يبقى جتا ب، اللي هي النسبة ما بين الضلع ب ج والضلع أ ب، هتساوي اتناشر على تلتاشر. ومن هنا نقدر نحسب إن قا ب، اللي هو مقلوب اتناشر على تلتاشر، هيساوي تلتاشر على اتناشر. وكده يبقى إحنا حسبنا المطلوب في السؤال.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.