فيديو: حل معادلات خطية ذات مجهول في كلا طرفي المعادلة

أوجد قيمة س: ٢ − ٢/١س = ٣س + ١٦.

٠١:٥٧

‏نسخة الفيديو النصية

أوجد قيمة س. اتنين ناقص، واحد على اتنين س، يساوي تلاتة س زائد ستاشر.

يعني معطى عندنا المعادلة دي. والمطلوب إننا نوجد قيمة س، عن طريق إننا نحل المعادلة. فهنلاحظ إن عندنا في الطرف الأيمن واحد على اتنين س، وفي الطرف الأيسر تلاتة س. وعشان نخلّي س في طرف واحد من طرفَي المعادلة، يبقى هنجمع واحد على اتنين س، على طرفَي المعادلة. فهيبقى الطرف الأيمن للمعادلة اتنين ناقص، واحد على اتنين س، زائد واحد على اتنين س. فناقص واحد على اتنين س زائد واحد على اتنين س بصفر، فهيتبقّى اتنين. وأمّا الطرف الأيسر، فهيبقى تلاتة س زائد ستاشر، زائد واحد على اتنين س.

فهنجمع الحدود المتشابهة، اللي هي تلاتة س زائد واحد على اتنين س. يعني هنجمع تلاتة زائد نص، فهيبقى تلاتة ونص. ونقدر نكتبها في صورة عدد عشري، فهيبقى الطرف الأيسر للمعادلة هو تلاتة وخمسة من عشرة س زائد ستاشر.

بعد كده هنطرح ستاشر من طرفَي المعادلة. فهيبقى الطرف الأيمن للمعادلة هو اتنين ناقص ستاشر. يعني هنوجد الفرق بينهم، ونحط إشارة الكبير. فبالتالي هيبقى اتنين ناقص ستاشر بيساوي سالب أربعتاشر. وأمّا الطرف الأيسر للمعادلة، فهيبقى تلاتة وخمسة من عشرة س زائد ستاشر ناقص ستاشر. وزائد ستاشر وناقص ستاشر بصفر، فهيتبقّى تلاتة ونص س، أو تلاتة وخمسة من عشرة س. فكده هتبقى المعادلة هي سالب أربعتاشر يساوي تلاتة وخمسة من عشرة س.

فعشان نوجد قيمة س، يبقى هنقسم طرفَي المعادلة على تلاتة وخمسة من عشرة. فنقدر في الطرف الأيسر للمعادلة نختصر تلاتة وخمسة من عشرة مع تلاتة وخمسة من عشرة، فهيتبقّى س. وأمّا في الطرف الأيمن فلما نقسم سالب أربعتاشر على تلاتة وخمسة من عشرة، هيبقى بيساوي سالب أربعة. وبالتالي هيبقى س يساوي سالب أربعة. وهي دي قيمة س المطلوب إيجادها.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.