فيديو: إيجاد القواعد والأبعاد لمولِّد متجه

أوجِد أساس وبُعد الامتداد الموضح. ([١ و ٢ و ٠]، [٢ و ٤ و ٠]، [١ و ٣ و ١]، [٠ و ١ و ١])

٠١:١٨

‏نسخة الفيديو النصية

أوجد أساس وبُعد الامتداد الموضَّح.

أساس الامتداد هو المتجهات الأساسية فيه، اللي بتكون مستقلة خطيًّا. وعشان نوجد أساس الامتداد، بنكتب المتجهات على صورة مصفوفة. وبنحاول نوجد الصورة المثلثية المختزلة للمصفوفة. فأول حاجة هنبدّل الصف التاني، بالصف التاني ناقص اتنين في الصف الأول. نقدر نلاحظ إن الصفين التاني والتالت، متساويين. فهنبدّل الصف التالت، بالصف التالت ناقص الصف التاني.

بعد كده بتبديل الصف الأول، بالصف الأول ناقص الصف التاني. المصفوفة هتبقى بالصورة دي. نقدر نلاحظ دلوقتي، إن المتجهات المستقلة خطيًّا، هم المتجهين الأول والتالت. وده لأننا نقدر بسهولة نوصل للمتجه التاني، بضرب المتجه الأول في اتنين. وللمتجه الرابع، بضرب المتجه الأول في سالب واحد. وبالتالي أساس الامتداد هيكون للمتجهين الأول والتالت في الامتداد الأصلي. وبُعد الامتداد هيساوي عدد متجهات الأساس، يعني هيساوي اتنين.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.