تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.

فيديو: استخدام خواص التوافيق لإيجاد قيمة نسبة مُعطاة

أحمد لطفي

اوجد قيمة ((^٢٣)ق_٨)/((^٢٣)ق_٦) بدون استخدام الآلة الحاسبة.

٠٣:٣٠

‏نسخة الفيديو النصية

اوجد قيمة تلاتة وعشرين ق تمنية على تلاتة وعشرين ق ستة بدون استخدام الآلة الحاسبة.

في البداية. لو عندنا ن ق ر فممكن نكتبها في صورة مضروب ن على، مضروب ن ناقص ر في مضروب ر، لكل ن أكبر من أو بتساوي ر. حيث ن بتنتمي إلى مجموعة الأعداد الصحيحة الموجبة، وَ ر بتنتمي إلى مجموعة الأعداد الصحيحة الموجبة.

ولو عندنا مضروب ن ممكن نكتبها في صورة ن في، مضروب ن ناقص واحد. أو ممكن نكتبها في صورة ن في، ن ناقص واحد، في مضروب ن ناقص اتنين، وهكذا.

وبالتالي عشان نقدر نوجد قيمة تلاتة وعشرين ق تمنية على تلاتة وعشرين ق ستة. فهنقول: إننا محتاجين نوجد تلاتة وعشرين ق تمنية مقسومة على تلاتة وعشرين ق ستة. يعني هتساوي … هنكتب تلاتة وعشرين ق تمنية في صورة مضروب تلاتة وعشرين على، مضروب تلاتة وعشرين ناقص تمنية، في مضروب تمنية. وعلامة القسمة، وهنكتب تلاتة وعشرين ق ستة في صورة مضروب تلاتة وعشرين على، مضروب تلاتة وعشرين ناقص ستة، في مضروب ستة.

يعني هيساوي مضروب تلاتة وعشرين على، مضروب خمستاشر في مضروب تمنية. وعلامة القسمة، مضروب تلاتة وعشرين على، مضروب سبعتاشر في مضروب ستة.

هنحوّل علامة القسمة إلى علامة ضرب. فهيكون عندنا … يعني تلاتة وعشرين ق تمنية على تلاتة وعشرين ق ستة هتساوي مضروب تلاتة وعشرين على، مضروب خمستاشر في مضروب تمنية. وهنحوّل علامة القسمة إلى علامة ضرب. وهيكون عندنا مضروب سبعتاشر في مضروب ستة، على مضروب تلاتة وعشرين.

نقدر نختصر. مضروب تلاتة وعشرين في، واحد على مضروب تلاتة وعشرين، بيساوي واحد. يعني هيكون عندنا: تلاتة وعشرين ق تمنية على تلاتة وعشرين ق ستة هتساوي واحد على … يبقى عندنا واحد على … مضروب خمستاشر هنكتبها زيّ ما هي، في … مضروب تمنية هنكتبها في صورة تمنية في سبعة في مضروب ستة، في … عندنا مضروب سبعتاشر هنكتبها في صورة سبعتاشر في ستاشر في مضروب خمستاشر في … مضروب ستة هنكتبها زي ما هي، الكل مقسوم على واحد.

هنلاحظ إن عندنا واحد على مضروب خمستاشر، في مضروب خمستاشر، هيساوي واحد. وواحد على مضروب ستة، في مضروب ستة أيضًا هيساوي واحد. يعني المقدار هيساوي سبعتاشر في ستاشر، على تمنية في سبعة. يعني المقدار هيساوي أربعة وتلاتين على سبعة.

ويبقى كده قدرنا نوجد قيمة تلاتة وعشرين ق تمنية على تلاتة وعشرين ق ستة بدون استخدام الآلة الحاسبة. وكانت بتساوي أربعة وتلاتين على سبعة.