فيديو: ربط قاعدة دالة تكعيبية بتمثيلها البياني

أي رسم بياني يمثّل الدالة ص = −٢٫٥س^٣ + ٣؟ [أ] شكل أ [ب] شكل ب [ج] شكل ج [د] شكل د

٠١:٢٥

‏نسخة الفيديو النصية

أي رسم بياني يمثّل الدالة ص تساوي سالب اثنان وخمسة من عشرة س تكعيب زائد ثلاثة؟

بالنظر لمعامل س تكعيب في الدالة، هنلاقيه بيساوي سالب اتنين وخمسة من عشرة. يعني بيساوي عدد سالب. ولمّا بيكون مُعامل س تكعيب سالب في دالة تكعيبية، بيكون امتداد التمثيل البياني للدالة في الرُّبعين التاني والرابع. أما إذا كان مُعامل س تكعيب موجب، فبيكون امتدادها في الربعين الأول والتاني. فبالتالي نقدر نستبعد الإجابتين أ وَ ب؛ وده لأن الدالة بتمتد في الاتنين في الرُّبعين الأول والتالت.

بعد كده نشوف الحد الثابت، هنلاقي إنه بيساوي تلاتة. وده معناه إنه بيقطع محور الصادات عند ص بتساوي تلاتة. فهنحدد المقطع الصادي. فنحدد النقطة اللي بتقطع فيها الدالة محور الصادات في الإجابتين ج وَ د. فهنلاقي إن في الإجابة ج الدالة بتقطع محور الصادات عند ص بتساوي تلاتة. وفي الإجابة د الدالة بتقطع محور الصادات عند ص بتساوي سالب تلاتة. وبالتالي نقدر نستبعد الإجابة د. وهتبقى الإجابة الصحيحة هي الإجابة ج.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.