فيديو: إيجاد ظل تمام الزوايا في المثلث القائم الزاوية‎

أوجد ظتاﺏ، إذا كان ﺃﺏﺟ مثلثًا قائم الزاوية في ﺟ؛ حيث ﺃﺟ = ١٢ سم، ﺏﺟ = ٩ سم.

٠١:٠٧

‏نسخة الفيديو النصية

أوجد ظتا ب إذا كان أ ب ﺟ مثلثًا قائم الزاوية في ﺟ؛ حيث الـ أ ﺟ بيساوي اتناشر سنتيمتر، والـ ب ﺟ يساوي تسعة سنتيمتر.

المثلث أ ب ﺟ قائم الزاوية في ﺟ. طول أ ﺟ اتناشر سنتيمتر. والـ ب ﺟ تسعة سنتيمتر. مطلوب ظتا الزاوية ب. ظتا الزاوية بيساوي مقلوب الـ ظا، يبقى ظتا ب هيساوي واحد على ظا ب. وظا الزاوية بيساوي المقابل على المجاور، المقابل للزاوية اللي هو أ ﺟ، والمجاور للزاوية اللي هو ب ﺟ.

يبقى الـ ظا ب هيساوي اتناشر على تسعة. هنبسّطها، تبقى أربعة على تلاتة. والـ ظتا بتساوي مقلوب الـ ظا، يبقى ظتا ب هتساوي تلاتة على أربعة. ويبقى هي دي الإجابة المطلوبة.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.