فيديو: إيجاد المضاعف المشترك الأصغر لعددين مكوَّنين من رقم واحد

ما المضاعف المشترك الأصغر للعددين ٧، ٥؟

٠١:٢٦

‏نسخة الفيديو النصية

ما المضاعف المشترك الأصغر للعددين سبعة وخمسة؟

خلينا نجيب مضاعفات العدد خمسة؛ هنبتدي بأول مضاعَف اللي هو جاي من حاصل ضرب خمسة في واحد اللي هو يبقى خمسة، المضاعف اللي بعد كده جاي من حصل ضرب خمسة في اتنين اللي هو هيبقى عشرة، اللي بعده هيبقى جاي من حاصل ضرب خمسة في تلاتة هيبقى خمستاشر، واللي بعده جاي من حاصل ضرب خمسة في أربعة هيبقى عشرين، اللي بعده هو حاصل ضرب خمسة في خمسة هيبقى خمسة وعشرين، واللي بعده حاصل ضرب خمسة في ستة هيبقى تلاتين، واللي بعده حاصل ضرب خمسة في سبعة يبقى خمسة وتلاتين، وهكذا.

دلوقتي هنجيب مجموعة من مضاعفات العدد سبعة؛ هنبتدي بأول مضاعف اللي هو حاصل ضرب سبعة في واحد هيبقى بيساوي سبعة، مضاعف اللي بعده حاصل ضرب سبعة في اتنين هيبقى أربعتاشر واللي بعده حاصل ضرب سبعة في تلاتة هيبقى واحد وعشرين، اللي بعده هيبقى حاصل ضرب سبعة في أربعة هيبقى تمنية وعشرين، واللي بعده حاصل ضرب سبعة في خمسة هيبقى خمسة وتلاتين، وهكذا.

لو بصينا على مجموعة المضاعفات بتاعة العددين اللي عندنا، هنلاحظ إن خمسة وتلاتين هو ده أول مضاعف مشترك للعددين؛ يبقى قدرنا نستنتج المضاعف المشترك الأصغر للعددين سبعة وخمسة، وهو هيبقى خمسة وتلاتين.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.