فيديو: إيجاد الفرق بين ملاحظتين عن طريق قراءة جدول الأعمدة

في نزهة، كان بعض الطلاب يأكلون الموز وآخرون يأكلون الفراولة وآخرون يأكلون الكيوي. يوضِّح الرسم البياني عدد الطلاب الذين أكلوا كل نوع من الفاكهة. ما عدد الطلاب الذين أكلوا الفراولة أكثر من الموز؟

٠١:٤٢

‏نسخة الفيديو النصية

في نزهة، كان بعض الطلاب يأكلون الموز، وآخرون يأكلون الفراولة، وآخرون يأكلون الكيوي. يوضح الرسم البياني كل نوع من الفاكهة، وعدد الطلاب الذين أكلوه. بكم يزيد عدد الطلاب الذين أكلوا الفراولة عن الذين أكلوا الموز؟

عندنا رسم بياني بيوضّح نوع الفاكهة اللي الطلاب أكلوها؛ موز، وفراولة، وكيوي؛ وبيوضح عدد الطلاب اللي أكلوا كل نوع من أنواع الفاكهة دي. والسؤال عندنا عاوزين نعرف عدد الطلاب اللي أكلوا فراولة بيزيد قد إيه عن اللي أكلوا الموز.

عدد الطلاب اللي كلوا فراولة هنجيبه إزاي؟ هنشوف العمود بتاع الفراولة، اللي هو ده، ونشوف آخره، اللي هو الجزء ده، بيقابل عدد إيه. هنلاقيه بيقابل العشرة؛ يبقى عدد الطلاب اللي أكلوا فراولة عشر طلاب، عدد الطلاب الذين أكلوا الفراولة يساوي عشر طلاب.

بعدين هنشوف عدد الطلاب اللي أكلوا الموز، ده هو التمثيل بتاع الموز، آخر العمود هنا بيقابل الستة؛ يبقى عدد الطلاب الذين أكلوا الموز يساوي ست طلاب.

علشان نجاوب على السؤال بقى، ونشوف مقدار زيادة الطلاب اللي أكلوا فراولة عن اللي أكلوا موز، هنطرحهم من بعض، فهنقول عشرة ناقص ستة يساوي أربع طلاب، إيه اللي إحنا جيبناه ده؟ ده مقدار الزيادة المطلوب؛ يبقى النتيجة هنا أو الحل أربعة.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.