تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.

فيديو: المقارنة بين البيانات عن طريق قراءة الجداول التكرارية التي تتضمَّن العلامات

نهال عصمت

يوضِّح جدول العلامات الأبطال الخارقين المفضَّلين لمجموعة من الطلاب. هل وندروومان الأقل تفضيلًا؟

٠١:٢٤

‏نسخة الفيديو النصية

يوضّح جدول العلامات الأبطال الخارقين المفضَّلين لمجموعة من الطلاب. هل وندروومان الأقل تفضيلًا؟

عندنا في الجدول البطل الخارق، وعدد الطلاب. الجدول الموضَّح قدامنا هو جدول تكراري. بمعنى عندنا مثلًا البطل الخارق ولفرين، وعندنا عدد الطلاب اللي اختاروه أو بيفضلوه تلاتة. يبقى عبّرنا عن التلات طلاب بتلات علامات.

عندنا مثلًا سوبرمان، هنلاحظ إن عندنا واحد، اتنين، تلاتة، أربعة، خمسة؛ خمس علامات، بنعملها بالشكل ده وبنسميها حزمة. يبقى عندنا خمس طلاب فضّلوا سوبرمان.

أما وندروومان، هنلاحظ إن عندنا أربع علامات بس. يبقى أربعة طلاب بس اللي فضلوها.

وسبايدرمان عندنا حزمة؛ يعني خمسة، وعندنا أربع علامات؛ يبقى المجموع تسعة.

عايزين نعرف هل وندروومان الأقل تفضيلًا؟ عندنا وندروومان خدت أربع علامات. وولفرين خد تلاتة؛ يبقى تلاتة أقل من الأربعة. يبقى وندروومان الأقل تفضيلًا؟ لأ. يبقى الإجابة هي لا.