فيديو: قسمة عدد عشري على عدد عشري آخَر

١٫٣٦ ÷ ١٫٧= _.

٠٢:٠٤

‏نسخة الفيديو النصية

واحد وستة وتلاتين من مية على واحد وسبعة من عشرة _.

عند قسمة عدد عشري على عدد عشري آخر، هنحوّل المقسوم عليه، وهو واحد وسبعة من عشرة، إلى عدد صحيح، وبعدين هنقوم بعملية القسمة. وبالتالي عشان نخلّي العدد واحد وسبعة من عشرة عدد صحيح، هنحرّك الفصلة العشرية إلى اليمين منزلة عشرية واحدة، فهنضرب في عشرة. وبالتالي برضو هنضرب العدد المقسوم، واحد وستة وتلاتين من مية، في عشرة؛ وبالتالي أقدر أقول إن الصورة الجديدة للمسألة هتكون: تلتاشر وستة من عشرة على سبعتاشر.

إيه هي خطوات القسمة؟ رقم واحد: اقسم. رقم اتنين: اضرب. رقم تلاتة: اطرح. رقم أربعة: انزل الرقم. رقم خمسة: أعِد الخطوات.

هنطبّق الخطوات دي هنا على عملية القسمة. تلتاشر وستة من عشرة على سبعتاشر، هبتدي بأول رقم: واحد على سبعتاشر هيساوي صفر، بعد كده هاخد تلتاشر على سبعتاشر هيساوي برضو صفر، هحط العلامة العشرية في مكانها، وبعدين هقسم مية ستة وتلاتين على سبعتاشر هيساوي تمنية.

خطوة رقم اتنين: هنضرب تمنية في سبعتاشر هيساوي مية ستة وتلاتين. خطوة رقم تلاتة: هنطرح ستة ناقص ستة هيساوي صفر، وتلاتة ناقص تلاتة هيساوي صفر، وواحد ناقص واحد هيساوي صفر.

يعني أقدر أقول إن ناتج قسمة واحد وستة وتلاتين من مية على واحد وسبعة من عشرة هيساوي تمنية من عشرة.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.