فيديو: العامل المشترك الأكبر

أوجد العامل المشترك الأكبر للعددين ٦٣، ٤٢.

٠٢:٠٤

‏نسخة الفيديو النصية

أوجد العامل المشترك الأكبر للعددين تلاتة وستين، واتنين وأربعين.

عايزين نحلل كل عدد من العددين اللي عندنا دول إلى عوامله الأوّلية بالطريقة دي؛ تلاتة وستين هيقبل القسمة على التلاتة، عشان الرقمين اللي بيتكوّن منهم مجموعهم يقبل القسمة على تلاتة، مجموعهم تسعة، وهو يقبل القسمة على تلاتة، فكده عرفنا إن العدد كله يقبل القسمة على تلاتة؛ ستة على تلاتة يساوي اتنين، وتلاتة على تلاتة يساوي واحد.

وبعدين عندنا واحد وعشرين، برضو عدد مجموع الأرقام اللي بيتكوّن منها بيقبل القسمة على تلاتة، فيبقى العدد كله بيقبل القسمة على تلاتة. واحد وعشرين على تلاتة يساوي سبعة. بعد كده سبعة ده عدد أوّلي ما يقبلش القسمة غير على نفسه وعَ الواحد، يبقى هنقسمه على سبعة؛ سبعة على سبعة يساوي واحد. يبقى كده عندنا العوامل الأوّلية للعدد تلاتة وستين.

بنفس الطريقة عايزين نوجد العوامل الأوّلية للعدد اتنين وأربعين. اتنين وأربعين ده عدد زوجي؛ يعني يقبل القسمة على اتنين. هنبتدي نقسم على اتنين؛ أربعة على اتنين يساوي اتنين، واتنين على اتنين يساوي واحد. واحد وعشرين ده عدد مجموع أرقامه بيقبل القسمة على تلاتة؛ فيبقى هو كله يقبل القسمة على تلاتة. واحد وعشرين على تلاتة يساوي سبعة. سبعة عدد أوّلي، فمش هيقبل القسمة غير على نفسه أو عَ الواحد، فهنقسمه على سبعة؛ سبعة على سبعة يساوي واحد. ويبقى كده عرفنا العوامل الأوّلية للعدد اتنين وأربعين.

لو قارنّا العوامل بتاعة العددين، هنلاحظ إن فيه عوامل مشتركة بينهم؛ عندنا تلاتة عامل مشترك، وسبعة كمان عامل مشترك. فكده هيبقى العامل المشترك الأكبر بيساوي حاصل ضرب العوامل المشتركة اللي بينهم، يعني حاصل ضرب تلاتة في سبعة، يعني بيساوي واحد وعشرين.

يبقى كده قدرنا نستنتج العامل المشترك الأكبر للعددين تلاتة وستين واتنين وأربعين، اللي هو هيبقى واحد وعشرين.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.