فيديو: المقارنة بين الأعداد الكسرية والأعداد العشرية

أيٌّ مما يلي صواب؟ [أ] ٦٫٧ >٩/٧ ٦ [ب] ٦٫٧ = ٩/٧ ٦ [ج] ٦٫٧< ٩/٧ ٦

٠٣:٠٤

‏نسخة الفيديو النصية

أي مما يلي صواب؟ أ: ستة وسبعة من عشرة، أكبر من ستة وسبعة على تسعة. ب: ستة وسبعة من عشرة، تساوي ستة وسبعة على تسعة. ج: ستة وسبعة من عشرة، أصغر من ستة وسبعة على تسعة.

مطلوب في السؤال إننا نعرف أي من الاختيارات التالية صحيح: أ، أم ب، أم ج. في البداية عشان نعرف نقارن ستة وسبعة من عشرة، وستة وسبعة على تسعة. هنحوّل ستة وسبعة على تسعة إلى عدد عشري. في البداية هنحوّل العدد الكسري ستة وسبعة على تسعة إلى كسر. هنضرب تسعة في ستة هيساوي أربعة وخمسين. أربعة وخمسين زائد سبعة هيساوي واحد وستين. يعني واحد وستين على نفس المقام اللي هو تسعة.

هنستخدم بعد كده القسمة المطوّلة عشان نحوّل واحد وستين على تسعة إلى عدد عشري. في البداية هنقسم ستة على تسعة هيساوي صفر. وبعدين هنقسم واحد وستين على تسعة هيساوي ستة. هنضرب ستة في تسعة هيساوي أربعة وخمسين. هنطرح واحد وستين ناقص أربعة وخمسين هيساوي سبعة.

لمّا نيجي نقسم سبعة على تسعة مش هينفع. هنحط الفصلة العشرية في الناتج وهننزّل صفر. هقسم سبعين على تسعة هيساوي سبعة. هضرب سبعة في تسعة هيساوي تلاتة وستين. هطرح سبعين ناقص تلاتة وستين هيساوي سبعة.

هكرر العملية وهنزّل صفر تاني جنب السبعة. وهقسم تاني سبعين على تسعة هيساوي سبعة. سبعة في تسعة هيساوي تلاتة وستين. هطرح سبعين ناقص تلاتة وستين هيساوي سبعة.

هنزّل صفر كمان جنب السبعة. هقسم سبعين على تسعة هيساوي سبعة. هضرب سبعة في تسعة هيساوي تلاتة وستين. هطرح سبعين ناقص تلاتة وستين هيساوي سبعة. وهكذا.

دلوقتي هقارن بين العددين ستة وسبعة من عشرة، وستة وسبعة من عشرة متكرر. هنلاحظ إنه العدد ستة وسبعة من عشرة متكرر أكبر من ستة وسبعة من عشرة. وبكده أقدر أقول إنه ستة وسبعة على تسعة أكبر من ستة وسبعة من عشرة. يعني ستة وسبعة من عشرة أقل من ستة وسبعة على تسعة. وبالتالي الاختيار الصحيح هو اختيار ج.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.