فيديو: تحديد احتمال اتحاد الأحداث التي تتضمَّن حجر النرد

إذا ألقي حجرا نرد، فما احتمال أن يكون مجموع رقميهما ٤ أو أن تكون النتيجتان متماثلتين؟

٠٢:٣٢

‏نسخة الفيديو النصية

إذا أُلقِيَ حجرَا نرد، فما احتمال أن يكون مجموع رقميهما أربعة، أو أن تكون النتيجتان متماثلتان؟

أول حاجة محتاجين نحدّد فضاء العينة. ففضاء العينة هيبقى: أول حاجة واحد، واحد. بعد كده واحد، اتنين. بعد كده واحد، تلاتة. وهكذا … بعد كده نشوف الحالات اللي بيكون فيها مجموع الرقمين بيساوي أربعة. فهنلاقي إن مجموع الرقمين بيساوي أربعة، لمّا يكون الحجر الأول فيه واحد، والحجر التاني تلاتة. ولمّا يكون الحجرين فيهم اتنين. ولمّا يكون الحجر الأول فيه تلاتة، والحجر التاني فيه واحد. بعد كده نشوف الحالات اللي بتكون فيها النتيجتين متماثلتين. وده لمّا بيبقى الحجرين بيساووا واحد، أو اتنين، أو تلاتة، أو أربعة، أو خمسة، أو ستة.

يبقى الحالات اللي هيكون فيها مجموع الرقمين بيساوي أربعة، أو النتيجتين متماثلتين، هو: واحد واحد. واحد تلاتة. اتنين اتنين. تلاتة واحد. تلاتة تلاتة. أربعة أربعة. خمسة خمسة. ستة ستة.

فلو سمينا احتمال إن يكون مجموع الرقمين أربعة، ح أ. وسمينا احتمال أن تكون النتيجتين متماثلتين، ح ب. هيبقى احتمال أن يكون مجموع الرقمين أربعة أو أن تكون النتيجتين متماثلتين، هو: ح أ اتحاد ح ب. وده هيساوي عدد النتائج المطلوبة … عدد النتائج المطلوبة، اللي هو عدد الحالات اللي بتخلّي مجموع الرقمين أربعة أو النتيجتين متماثلتين. فهنلاقيهم تمنية. على عدد النتائج الممكنة، اللي هو عدد عناصر فضاء العينة، اللي هو ستة وتلاتين. وبقسمة البسط والمقام على أربعة، هيبقى احتمال أن يكون مجموع الرقمين أربعة، أو أن تكون النتيجتين متماثلتين؛ هو: اتنين على تسعة.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.