فيديو: تحديد إذا ما كان مُتغيِّران معلومان يتغيَّرانِ طرديًّا وإيجاد ثابت التغيُّر

هل ص يتغير طرديًّا مع س؟ إذا كان كذلك، فما ثابت التغير؟

٠١:٣٢

‏نسخة الفيديو النصية

هل ص يتغير طرديًّا مع س؟ إذا كان كذلك، فما ثابت التغير؟

عندنا في المثال ده جدول، فيه قيم لـ س، والقيم اللي بتناظرها من ص. وعايزين نعرف هل المتغيّر ص بيتغير طرديًّا مع المتغيّر س، ولّا لأة. ولو كان كده، فعايزين نوجد ثابت التغير. العلاقة بين متغيّرين بتُسمى علاقة طردية. لمّا كل ما متغيّر منهم بيزيد، المتغيّر التاني كمان يزيد. مش بس كده. ده كمان لمّا تبقى النسبة بين كل قيمتين متناظرتين للمتغيّرين دول، ثابتة. والنسبه دي بنسمّيها ثابت التغير.

ولمّا هنرجع للجدول اللي عندنا، هنلاقي إن قيمة ص بتزيد، كل ما قيمة س بتزيد. وعلشان نحدّد إذا كان التغير اللي عندنا طردي ولّا لأة. هنوجد النسبة ص على س، لكل قيمتين متناظرتين للمتغيّرين س وَ ص. فهنبدأ نوجد النسبة ص على س.

النسبة الأولى هي تلاتة على اتنين. وتلاتة على اتنين يساوي واحد ونص. النسبة التانية هي أربعة على أربعة. وأربعة على أربعة يساوي واحد. بعد كده النسبة التالتة تساوي خمسة على ستة. بعد كده النسبة الرابعة. والنسبة الرابعة تساوي ستة على تمنية. وفي أبسط صورة تساوي تلاتة على أربعة.

وبعد ما أوجدنا النسب بين كل قيمتين متناظرتين للمتغيّرين س وَ ص. هنلاحظ إن النسب دي مش متساوية. فمعنى كده إن المتغيّر ص، لا يتغير طرديًّا مع المتغيّر س. يعني الإجابة هي: لا.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.