فيديو: استخدام كثيرات الحدود لوصف ارتفاع متوازي مستطيلات بمعلومية حجمه وطوله وعرضه

صندوق حجمه يساوي ١٠ﺱ^٣ + ٢٧ﺱ^٢ + ٢ﺱ − ٢٤. إذا كان طوله ٥ﺱ − ٤، وعرضه ٢ﺱ + ٣، فعبِّر عن ارتفاع الصندوق جبريًّا.

٠٣:٥٨

‏نسخة الفيديو النصية

صندوق حجمه يساوي عشرة س أُس تلاتة، زائد سبعة وعشرين س أُس اتنين، زائد اتنين س، ناقص أربعة وعشرين. إذا كان طوله خمسة س ناقص أربعة. وعرضه اتنين س زائد تلاتة. فعبّر عن ارتفاع الصندوق جبريًّا.

معطى في السؤال مقدار جبري، يعبّر عن حجم الصندوق. ومعطى كمان مقدار يعبّر عن طوله، ومقدار يعبّر عن عرضه. ومطلوب إننا نعبّر عن ارتفاع الصندوق جبريًّا. في البداية هنكتب قانون الحجم الحجم. الحجم يساوي الطول في العرض في الارتفاع. معطى الطول بخمسة س ناقص أربعة. والعرض باتنين س زائد تلاتة. هحسب الطول في العرض.

هعوّض عن خمسة س ناقص أربعة، عن الطول. والعرض، اتنين س زائد تلاتة. هيساوي خمسة س في اتنين س، عشرة س أُس اتنين. وخمسة س في تلاتة، يعني زائد خمستاشر س. وسالب أربعة في اتنين س، يعني سالب تمنية س. وسالب أربعة في تلاتة، بسالب اتناشر. يعني هيساوي … هنبسّط المقدار. عشرة س أُس اتنين. وخمستاشر س ناقص تمنية س، يعني زائد سبعة س. ناقص اتناشر.

من قانون الحجم، أقدر أقول إنه الارتفاع هيساوي الحجم على، الطول في العرض. هنقسم المقدار اللي بيعبّر عن الحجم، على المقدار اللي بيعبّر عن الطول في العرض. عشرة س أُس تلاتة، على عشرة س أُس اتنين. هنقسم الحدّ الأولاني، عَ الحدّ الأولاني، هيساوي س. هضرب س في عشرة س أُس اتنين، هيساوي عشرة س أُس تلاتة. س في سبعة س، يعني سبعة س أُس اتنين. وبعدين س في سالب اتناشر، يعني سالب اتناشر س.

هطرح. عشرة س أُس تلاتة، ناقص عشرة س أُس تلاتة، هيساوي صفر. وسبعة وعشرين س أُس اتنين، ناقص سبعة س أُس اتنين، هيساوي عشرين س أُس اتنين. واتنين س، ناقص سالب اتناشر س، يعني أربعتاشر س. وسالب أربعة وعشرين، ناقص صفر، يعني سالب أربعة وعشرين.

هنقسم تاني. عشرين س أُس اتنين، على عشرة س أُس اتنين، هيساوي اتنين. هكتب اتنين، وبعدين هضرب. اتنين في عشرة س أُس اتنين، يعني عشرين س أُس اتنين. واتنين في سبعة س، يعني أربعتاشر س. واتنين في سالب اتناشر، يعني سالب أربعة وعشرين. هطرح. هحصل على أصفار. وبكده أقدر أقول إنه الارتفاع هيساوي س زائد اتنين. وهو ده المقدار الجبري اللي بيعبّر عن الارتفاع.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.