فيديو: قسمة عدد عشري على آخَر

أكمل: ٤٠٦٫٢٦ ÷ ٠٫٦١ = _.

٠٢:٠٦

‏نسخة الفيديو النصية

أكمل: ربعمية وستة، وستة وعشرين من مية، على واحد وستين من مية، يساوي نقط.

عشان نجيب ناتج قسمة ربعمية وستة، وستة وعشرين من مية، على واحد وستين من مية، هضرب المقسوم عليه في مية؛ عشان أتخلّص من الفصلة العشرية. وبالتالي هضرب المقسوم برضو في مية؛ عشان ما أغيّرش العملية الحسابية. إذن الشكل الجديد للسؤال هيكون أربعين ألف ستمية ستة وعشرين على واحد وستين.

باستعمال القسمة المطولة، هنبتدي بقسمة أربعة على واحد وستين هيساوي صفر. وأربعين على واحد وستين برضو هيساوي صفر. فهنقسم ربعمية وستة على واحد وستين هيساوي ستة. ونضرب ستة في واحد وستين هيساوي تلتمية ستة وستين. هنطرح ستة ناقص ستة هيساوي صفر. وصفر ناقص ستة، مش هينفع. أربعة هتبقى تلاتة، وصفر هتبقى عشرة. عشرة ناقص ستة تساوي أربعة. وتلاتة ناقص تلاتة هيساوي صفر. هننزّل الاتنين.

هنقسم ربعمية واتنين على واحد وستين هيساوي ستة. ستة في واحد وستين هيساوي تلتمية ستة وستين. هنطرح اتنين ناقص ستة، مش هينفع. هنستلف مِ الأربعة واحد، هتبقى تلاتة، والصفر هيبقى عشرة. هنستلف من الصفر [العشرة] واحد، هيبقى تسعة، والاتنين هتبقى اتناشر. اتناشر ناقص ستة هيساوي ستة. وتسعة ناقص ستة هيساوي تلاتة، وتلاتة ناقص تلاتة هيساوي صفر. وبعد كده هننزل الستة.

وهنقسم تلتمية ستة وستين على واحد وستين هيساوي ستة. هنضرب ستة في واحد وستين هيساوي تلتمية ستة وستين. هنطرح، هنحصل على صفر.

إذن أقدر أقول إنه ناتج القسمة هيساوي ستمية ستة وستين.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.