فيديو: تقريب الأعداد لأقرب عشرة

قرّب ٩٣٩٥١٥ لأقرب عشرة.

٠١:٠٨

‏نسخة الفيديو النصية

قرّب تسعمية تسعة وتلاتين ألف خمسمية وخمستاشر، لأقرب عشرة.

دلوقتي لو بصينا للعدد اللي قدامنا ده، أول رقم موجود فيه على اليمين، ده بيمثّل خانة الآحاد. الرقم اللي بعده من جهة اليمين، بيمثّل العشرات. إحنا مطلوب مننا في المثال نقرّب العدد ده لأقرب عشرة.

أول خطوة بنعملها في عملية التقريب، بنحطّ خطّ تحت الرقم اللي في الخانة المكانية المراد التقريب ليها. وبعدين بنبصّ على الرقم اللي على يمين الرقم اللي تحت الخط. لو كان الرقم اللي عندنا أكبر من أو يساوي خمسة، زي الرقم اللي عندنا ده، فكل اللي على يمين الرقم اللي تحته خطّ هنحوّله لأصفار. أمّا الرقم اللي تحته خطّ، فهنزوّده بمقدار واحد. يعني هنا هيصبح اتنين.

يعني تسعمية تسعة وتلاتين ألف خمسمية وخمستاشر، لمّا نقربها لأقرب عشرة، هتصبح تسعمية تسعة وتلاتين ألف خمسمية وعشرين. وهي دي الإجابة المطلوبة بعد التقريب لأقرب عشرة.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.