فيديو: تحويل الأعداد العشرية إلى كسور

عبِّر عن مُعدَّل سقوط المطر يوم الأحد في صورة كسر.

٠١:٢١

‏نسخة الفيديو النصية

عبّر عن معدَّل سقوط المطر يوم الأحد في صورة كسر. وعندنا جدول بيوضّح اليوم ومعدَّل سقوط المطر فيه بوحدة البوصة.

ومن خلال الجدول اللي عندنا، هنلاقي إن معدَّل سقوط المطر يوم الأحد هو تمنمية اتنين وستين من ألف بوصة. فهنبدأ نكتب العدد العشري تمنمية اتنين وستين من ألف في صورة كسر. فهنحدّد القيمة المكانية لآخر خانة عشرية، فهنلاقي إن القيمة المكانية لآخر خانة عشرية هي الأجزاء من ألف. بالتالي العدد العشري تمنمية اتنين وستين من ألف معناه تمنمية اتنين وستين جزء من ألف. معنى كده إن تمنمية اتنين وستين من ألف يساوي تمنمية اتنين وستين على ألف.

بعد كده هنختصر الكسر تمنمية اتنين وستين على ألف لأبسط صورة. فهنقسم كلّ من البسط والمقام عَ العامل المشترك الأكبر ليهم، واللي هو اتنين. ولمّا هنقسم كلّ من البسط والمقام على اتنين، هنلاقي العدد العشري تمنمية اتنين وستين من ألف يساوي ربعمية واحد وتلاتين على خمسمية. كده إحنا كتبنا العدد العشري تمنمية اتنين وستين من ألف في صورة كسر، وهو ربعمية واحد وتلاتين على خمسمية.

بكده هيبقى معدَّل سقوط المطر يوم الأحد هو ربعمية واحد وتلاتين على خمسمية بوصة.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.