فيديو: ضرب عدد عشري في عدد عشري آخَر

٧٧٫٢ × ٠٫٢٧٢ = _.

٠٣:٢٦

‏نسخة الفيديو النصية

سبعة وسبعون واثنان من عشرة في مائتان واثنان وسبعون من ألف يساوي _.

عشان نضرب عددين عشريين، هنضربهم في الأول بدون العلامات العشرية، بعدين نكتب العلامة العشرية في الناتج، حسب موقعها في العددين المضروبين. يبقى هنضرب سبعمية واتنين وسبعين في ميتين واتنين وسبعين.

أول حاجة، نضرب اتنين في اتنين، هيبقى ده بيساوي أربعة؛ بعدين نضرب اتنين في سبعة، فده هيساوي أربعتاشر، فنكتب أربعة في الناتج، ونضيف واحد فوق السبعة في المئات؛ بعدين نضرب اتنين في سبعة، فده هيساوي أربعتاشر، ونضيف ليها الواحد، فده هيساوي خمستاشر.

زائد … نكرر عملية الضرب مع السبعة. وبما إن القيمة المكانية ليها هي العشرات، فهنضيف صفر قبل عملية الضرب؛ بعدين نضرب سبعة في اتنين هيساوي أربعتاشر، فنكتب أربعة في الناتج، وواحد فوق السبعة في العشرات؛ بعدين نضرب سبعة في سبعة هيساوي تسعة وأربعين، ونضيف ليها الواحد، هيساوي خمسين، فنكتب صفر في الناتج، ونضيف خمسة فوق السبعة في المئات؛ بعدين نضرب سبعة في سبعة هيساوي تسعة وأربعين، بعدين نضيف ليها الخمسة، هيساوي أربعة وخمسين.

زائد … نكرر نفس العملية مع الاتنين. وبما إن القيمة المكانية ليها هي المئات، يبقى هنضيف صفرين في الناتج قبل الضرب؛ بعدين نضرب اتنين في اتنين هيساوي أربعة، واتنين في سبعة هيساوي أربعتاشر، فنكتب أربعة في الناتج، ونضيف واحد فوق السبعة في المئات؛ بعدين نضرب اتنين في سبعة هيساوي أربعتاشر، ونضيف ليها الواحد، هيساوي خمستاشر.

بعد كده نجمع: أربعة زائد صفر زائد صفر هيساوي أربعة، أربعة زائد أربعة زائد صفر هيساوي تمنية، خمسة زائد أربعة هيساوي تسعة، واحد زائد أربعة زائد أربعة هيساوي تسعة، خمسة زائد خمسة، خمسة زائد خمسة هيساوي عشرة، فنكتب صفر في الناتج، ونضيف واحد للقيمة المكانية اللي بعد كده؛ بعد كده واحد زائد واحد هيساوي اتنين. يبقى حاصل ضرب سبعمية واتنين وسبعين في ميتين واتنين وسبعين هيساوي ميتين وتسعة ألف وتسعمية وأربعة وتمانين.

نرجع للمسألة الأساسية: سبعة وسبعين واتنين من عشرة، هنلاقي إن فيه رقم واحد على يمين العلامة العشرية؛ في العدد التاني ميتين واتنين وسبعين من ألف، هنلاقي إن فيه تلات أرقام على يمين العلامة العشرية، وواحد زائد تلاتة هيساوي أربعة؛ يبقى هنعدّ أربع أرقام من اليمين لليسار في ناتج الضرب اللي وصلنا له، ونحط بعدهم العلامة العشرية. فنعدّ: واحد، اتنين، تلاتة، أربعة؛ وده هيبقى مكان العلامة العشرية.

يبقى سبعة وسبعين واتنين من عشرة في ميتين واتنين وسبعين من ألف هيساوي عشرين وتسعة آلاف وتسعمية وأربعة وتمانين من عشرة آلاف.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.