فيديو: كتابة التعبيرات العددية بالتقدير في سياق واقعي

تُريد إنجي أن تشتري بنطلون جينز سعره ٤٩٫٩٩ دولارًا أمريكيًّا. تُشير علامة العرض إلى أن هناك خصمًا على الجينز مقداره ٥/٩. أيُّ التعبيرات يُمكِننا استخدامه لتقدير الخصم؟ [أ] ٥٠ × ٠٫٠٥٥ [ب] ٥٠ × ٥٫٩ [ج] ٥٠ × ٠٫٥٥ [د] ٥٠ × ٥٥٫٥ [ﻫ] ٤٩ × ٠٫٥٥

٠٣:١٦

‏نسخة الفيديو النصية

تريد إنجي أن تشتري بنطلون جينز سعره تسعة وأربعين وتسعة وتسعين من مية دولارًا أمريكيًّا. تشير علامة العرض إلى أن هناك خصمًا على الجينز مقداره تسع أخماس. أيّ التعبيرات يمكن استخدامه لتقدير الخصم؟ أ: خمسين في خمسة وخمسين من ألف. ب: خمسين في خمسة وتسعة من عشرة. ج: خمسين في خمسة وخمسين من مية. د: خمسين في خمسة وخمسين وخمسة من عشرة. هـ: تسعة وأربعين في خمسة وخمسين من مية.

عاوزين نعرف أيّ تعبير من الخمس تعبيرات اللي قدامنا دول، هو اللي بيمثّل تقدير … وناخد بالنا من كلمة «تقدير» للخصم اللي حصل على البنطلون. دلوقتي إحنا عندنا البنطلون الجينز سعره … دلوقتي إحنا عندنا سعر البنطلون الجينز تسعة وأربعين وتسعة وتسعين من مية دولار. والخصم عليه تسع أخماس من سعره. وإحنا عاوزين نقدّر مقدار الخصم.

فعلشان نقدّر مقدار الخصم، هناخد سعر البنطلون الأصلي اللي هو تسعة وأربعين وتسعة وتسعين من مية، ونضربه في مقدار الخصم اللي هو خمسة على تسعة. هينتج لنا الخصم من سعر البنطلون الأصلي. ولكن إحنا هنا عاوزين نقدّر الخصم. علشان كده قلنا ناخد بالنا من كلمة «تقدير». علشان نقدّر ناتج الخصم ده، محتاجين نعمل عملية التقريب. فهنبدأ نقرّب سعر البنطلون، لأقرب عدد صحيح. فالتسعة وأربعين وتسعة وتسعين من مية، هتساوي تقريبًا خمسين.

طيب وبالنسبة بقى للخمسة على تسعة؟ إحنا محتاجين نخلّي الخمسة على تسعة دي، عدد عشري. وعلشان نخلّي الخمسة على تسعة عدد عشري، محتاجين المقام يكون عشرة، أو مية، أو ألف، أو مضاعفاتها. فإحنا هنخلّي التسعة دي، عبارة عن تسعة وتسعين. ودي قريبة جدًّا للمية. طيب إزَّاي هنخلي التسعة، تسعة وتسعين؟

مش التسعة في حداشر بتساوي تسعة وتسعين؟ يبقى في المقام، هنضرب التسعة في حداشر. وزيّ ما ضربنا المقام في حداشر، لازم برضو نضرب البسط في حداشر. فهنقول خمسة في حداشر. الخمسة في حداشر، بتساوي خمسة وخمسين. والتسعة في حداشر، تساوي تسعة وتسعين. فهنقرّب المقام؛ بدل ما هو تسعة وتسعين، نخلّيه مية. ده لأننا بنقدّر الناتج. فعادي إننا نقرّب تقريب صغير. مش هيأثّر في الناتج بشكل كبير.

فكده الكسر عندنا بقى عبارة عن خمسة وخمسين على مية. اللي هي بتساوي خمسة وخمسين من مية. يبقى إحنا كده عملنا تقدير، بعد ما قرّبنا لمقدار الخصم. وطلع خمسين في خمسة وخمسين من مية. وده هو الاختيار ج.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.