فيديو: إيجاد طول ضلع في مثلث باستخدام خواص متوسطات المثلث

∆ﻯﻙﻝ فيه ﺭﻉ = ٢٫١ سم. أوجد طول ﻉﻝ.

٠١:٥٠

‏نسخة الفيديو النصية

المثلث ي ك ل فيه ر ع يساوي اتنين وواحد من عشرة سنتيمتر. أوجد طول ع ل.

من الرسم اللي قدامنا الـ ي س بينصّف ل ك، والـ ك ت بينصّف ل ي، والـ ل ر بينصّف ك ي، والتلاتة بيتقاطعوا في النقطة ع؛ معنى كده إن دول متوسطات للمثلث ك ل ي؛ لأن المتوسط هو القطعة المستقيمة المرسومة من رأس المثلث إلى منتصف الضلع المقابل لهذا الرأس.

فيه نظرية منطوقها: نقطة تقاطُع متوسطات المثلث بتقسم كلًّا منها بنسبة واحد إلى اتنين من جهة القاعدة، أو بنسبة اتنين إلى واحد من جهة الرأس. يعني معنى كده إن ع ت إلى ع ك واحد إلى اتنين، وَ ر ع إلى ع ل واحد إلى اتنين، وَ س ع إلى ع ي واحد إلى اتنين. ومُعطى طول ر ع اللي هو ده طوله اتنين وواحد من عشرة سنتيمتر.

يبقى معنى كده إن ع ل ضعف ع ر لأنه من واحد إلى اتنين، يبقى معنى كده إن ع ل بيساوي اتنين في طول ع ر، يبقى هيساوي اتنين في اتنين وواحد من عشرة؛ يعني هيساوي أربعة واتنين من عشرة سنتيمتر، وهو ده طول ع ل.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.