نسخة الفيديو النصية
يوضّح الجدول درجات مائة طالب في اختبار العلوم الأخير. كم عدد الطلاب الذين حصلوا على أربعين درجة أو أكثر؟ وعندنا جدول فيه الدرجات، ومتقسّمة لمجموعة فترات. وتحت كل مجموعة عدد الطلاب اللي حصلوا على الدرجات دي. وفي آخر الجدول موجود مجموع الطلاب الكلي، اللي هو مية طالب.
ودلوقتي عايزين نعرف عدد الطلاب اللي حصلوا على أربعين درجة أو أكتر من أربعين درجة. فهنبصّ على الجدول، هنلاقي إن فترات الدرجات هي من صفر لتسعة. ومن عشرة لتسعتاشر. ومن عشرين لتسعة وعشرين درجة. ومن تلاتين لتسعة وتلاتين درجة. ومن أربعين لتسعة وأربعين. ومن خمسين لحدّ الدرجة النهائية.
وبكده هنحسب عدد الطلاب اللي موجودين في فترة الدرجات من أربعين لتسعة وأربعين، ومن خمسين للدرجة النهائية. يعني هنحسب تلاتة وعشرين وهنجمعها على تمنتاشر. هنجمع تلاتة وعشرين زائد تمنتاشر. تلاتة زائد تمنية يساوي حداشر. هنكتب الرقم الأول في الآحاد والرقم التاني هنضيفه للعشرات. واحد زائد اتنين زائد واحد بيساوي أربعة.
وبالتالي هنقول: إنه عدد الطلاب الذين حصلوا على أربعين درجة أو أكثر بيساوي واحد وأربعين طالبًا.
