فيديو: محدد المصفوفة

استخدم خواص المحددات لإيجاد قيمة |٣، −٣، ٨ و−٨، ٦، −٢ و٩، ٩، −٦| + |٣، ١١، ٨ و−٨، −٨، −٢ و٩، −١٥، −٦|.

٠١:٤٥

‏نسخة الفيديو النصية

استخدم خواص المحدّدات لإيجاد قيمة المحدّد: تلاتة، سالب تلاتة، تمنية. سالب تمنية، ستة، سالب اتنين. تسعة، تسعة، سالب ستة. زائد المحدّد: تلاتة، وحداشر، وتمنية. سالب تمنية، وسالب تمنية، وسالب اتنين. التسعة، سالب خمستاشر، وسالب ستة.

المحدّدات اللي قدامنا دول من الرتبة التالتة. هنلاحظ إن العمود الأول ده بيساوي العمود الأول ده. والعمود التالت ده بيساوي العمود التالت ده. من خواص المحدّدات؛ طالما فيه عمودين متشابهين، يبقى العمود اللي باقي ده، نقدر نجمعهم على بعض. يبقى من خواص المحدّدات، هنكتب الأعمدة المتشابهة زيّ ما هي، ونجمع العمود المختلف، بالشكل ده.

يبقى سالب تلاتة زائد حداشر، هتبقى تمنية. ستة ناقص تمنية، سالب اتنين. وتسعة ناقص خمستاشر، هتبقى سالب ستة. يبقى العمود الناتج هو: تمنية، وسالب اتنين، وسالب ستة. وفيه خاصية من خواص المحدّدات بتقول: إذا تَساوَت العناصر المتناظرة في أيّ عمودين أو صفّين في محدّد، فإن قيمة المحدّد هتساوي صفر. وواضح من المحدّد اللي قدامنا ده، إن فيه عمودين متساويين. يبقى قيمة المحدّد هتساوي صفر. وهي دي الإجابة المطلوبة.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.