فيديو: إيجاد القيمة المُطلَقة لتعبير الطرح الذي يتضمَّن أعدادًا صحيحة سالبة

أوجد |−٢٢ − (−١٨)|.

٠١:٢٤

‏نسخة الفيديو النصية

أوجد القيمة المطلقة لسالب اتنين وعشرين ناقص سالب تمنتاشر.

وخلينا في الأول نفتكر إن القيمة المطلقة للعدد هي مسافته من الصفر على خط الأعداد. فعشان نوجد القيمة المطلقة للمقدار اللي عندنا في السؤال، فأول حاجة هنعملها إننا هنحسب قيمة المقدار، وبعد كده هنوجد القيمة المطلقة له؛ فيبقى المقدار عندنا سالب اتنين وعشرين ناقص سالب تمنتاشر. وبما إن سالب السالب بموجب، فبالتالي هيبقى المقدار هو القيمة المطلقة لسالب اتنين وعشرين زائد تمنتاشر.

بعد كده هنحسب سالب اتنين وعشرين زائد تمنتاشر، يعني هيبقى عندنا عدد سالب وعدد موجب، فبالتالي عشان نوجد الناتج يبقى هنوجد الفرق بين العددين، وهنحطّ جنبه إشارة العدد الأكبر؛ فبالتالي هيبقى الفرق بين اتنين وعشرين، وتمنتاشر، هو أربعة. وبما إن العدد الأكبر هو سالب اتنين وعشرين، فهنحطّ إشارة سالبة، فيبقى سالب أربعة؛ فبالتالي هيبقى المقدار عندنا هو القيمة المطلقة لسالب أربعة.

وزي ما قلنا إن القيمة المطلقة للعدد هي مسافته من الصفر على خط الأعداد، فبالتالي هتبقى القيمة المطلقة لسالب أربعة بتساوي أربعة؛ وبالتالي هتبقى إجابة السؤال هي أربعة.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.