فيديو: إيجاد الأبعاد الفعلية لعنصر بمعلومية أبعاد نموذجه ومعامل القياس

صُنِع نموذج لشجرة باستخدام المقياس بوصة واحدة : ٣٠ قدمًا. أوجد الارتفاع الفعلي للشجرة إذا كان ارتفاع نموذجها ٣/٢ ٢ بوصة.

٠٣:١٩

‏نسخة الفيديو النصية

صُنِع نموذج لشجرة باستخدام المقياس بوصة واحدة إلى تلاتين قدمًا. أوجد الارتفاع الفعلي للشجرة إذا كان ارتفاع نموذجها اتنين واتنين على تلاتة بوصة.

يعني معطى عندنا إن مقياس الرسم هو بوصة واحدة إلى تلاتين قدمًا. وخلّينا في الأول نفتكر إن مقياس الرسم بيساوي الطول على الرسم مقسوم على الطول الحقيقي. فهنعوّض عن مقياس الرسم بالمقياس اللي معطى عندنا في السؤال، واللي هو بوصة واحدة إلى تلاتين قدمًا. ونقدر نكتبها في صورة كسر بالشكل ده.

فهيبقى عندنا مقياس الرسم زيّ ما عرفنا بيساوي الطول على الرسم مقسوم على الطول الحقيقي. وبما إن معطى عندنا في السؤال ارتفاع نموذج الشجرة، واللي هو اتنين واتنين على تلاتة بوصة. فمعنى كده إن ده ارتفاع النموذج، أو الطول على الرسم. لأن المطلوب في السؤال إننا نوجد الارتفاع الفعلي للشجرة، اللي هو الطول الحقيقي. فبالتالي هنعوّض عن الطول على الرسم بارتفاع نموذج الشجرة واللي هو اتنين واتنين على تلاتة بوصة.

وأمّا الطول الحقيقي اللي إحنا عايزين نوجده فهنرمز له بالرمز س. فبالتالي عشان نوجد قيمة س يبقى عايزين نعمل ضرب تبادلي. وهنلاحظ هنا إن مقياس الرسم اللي معطى في السؤال عندنا فيه وحدات مختلفة. فعندنا في البسط الوحدة بوصة، وأمّا في المقام الوحدة بالقدم. وفي الحالة اللي عندنا هنا مش هنحتاج نحوّل وحدات؛ لأن بالتالي هنبقى عارفين إن قيمة س هتبقى بالقدم. فبالتالي هتبقى نفس النسبة هنا هي نفس النسبة هنا. فبالتالي لمّا نعمل ضرب تبادلي هتبقى س بتساوي تلاتين في، اتنين واتنين على تلاتة؛ الكل على واحد.

بعد كده هنلاحظ إن عندنا هنا عدد كسري، فعلشان نقدر نسهّل الحسابات يبقى عايزين نكتبه في صورة كسر. وخلّينا في الأول نفتكر لمّا بنحوّل من عدد كسري إلى كسر، فبنضرب المقام في العدد الصحيح، وبعد كده بنجمع عليهم البسط. يعني هيبقى عندنا هنا هنضرب تلاتة في اتنين، تلاتة اللي هي في المقام في اتنين العدد الصحيح، فتلاتة في اتنين بتساوي ستة. وهنجمع بعد كده ستة على البسط. فستة زائد اتنين بتساوي تمنية.

فبالتالي هتبقى س بتساوي تلاتين في … هنكتب تمنية في البسط، وأمّا في المقام فهيفضل زيّ ما هو تلاتة. وبما إن أيّ عدد مقسوم على واحد فبيبقى الناتج هو العدد نفسه. فمعنى كده إن هيبقى س بتساوي تلاتين في، تمنية على تلاتة، وهنهمل الواحد اللي عندنا في المقام هنا.

بعد كده عايزين نوجد حاصل ضرب تلاتين في، تمنية على تلاتة. فنقدر نختصر تلاتين مع تلاتة، فلمّا نقسم تلاتين على تلاتة هتساوي عشرة. وأمّا لمّا نقسم تلاتة على تلاتة هتساوي واحد.

فهيبقى المقدار عندنا هو عشرة في تمنية، ولمّا نحسبها هتبقى بتساوي تمانين. وأمّا الوحدة فزيّ ما فرضنا هنا إن س هتبقى وحدتها قدم، فهتبقى الإجابة هي: تمانين قدمًا. وهيبقى هو ده الارتفاع الفعلي للشجرة.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.