فيديو: إيجاد مجموعة حل متباينة خطية تتضمَّن أعدادًا صحيحة

أوجد مجموعة حل ٩ﺱ + ٥ ⩾ −٤، إذا كانت ﺱ ∈ ﺹ.

٠١:٣٤

‏نسخة الفيديو النصية

اوجد مجموعة حل تسعة س زائد خمسة أكبر من أو يساوي سالب أربعة، إذا كانت س تنتمي لمجموعة الأعداد الصحيحة.

علشان نوجد مجموعة حل المتباينة اللي قدامنا دي، عايزين نوجد قيم س اللي بتحقّقها. يبقى تسعة س زائد خمسة أكبر من أو يساوي سالب أربعة. عايزين الـ س تبقى في طرف لوحدها، وبعدين نشوف العناصر اللي بتبقى الـ س تاخدها في مجموعة الأعداد الصحيحة.

هنطرح خمسة من طرفَي المتباينة، يبقى تسعة س زائد خمسة ناقص خمسة بصفر، أكبر من أو يساوي سالب أربعة ناقص خمسة. يبقى تسعة س أكبر من أو يساوي سالب تسعة. بقسمة طرفَي المتباينة على تسعة، يبقى الـ س أكبر من أو يساوي سالب تسعة على تسعة، واللي هي هتبقى سالب واحد.

يبقى الـ س أكبر من أو تساوي سالب واحد في مجموعة الأعداد الصحيحة. يبقى الـ س هتبقى أكبر من السالب واحد أو تساويها؛ يعني هيبقى العنصر سالب واحد، صفر، واحد، اتنين، وهكذا إلى لا نهاية. يبقى مجموعة الحل هتبقى سالب واحد، وصفر، وواحد، واتنين، وتلاتة، وهكذا إلى لا نهاية. ويبقى هي دي الإجابة المطلوبة.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.