فيديو: إيجاد قيمة مقادير تتضمن الطرح والمقارنة بينها

أكمل باستخدام< أو >أو =: ٥٩٤ − ٥٩٣ _ ٢٢٧.

٠١:٤٧

‏نسخة الفيديو النصية

أكمل باستخدام أصغر من، أو أكبر من، أو يساوي: خمسمية أربعة وتسعين ناقص خمسمية تلاتة وتسعين، نقط، ميتين سبعة وعشرين.

مطلوب منّنا نعرف مكان النقط هنحطّ علامة أصغر من، ولّا علامة أكبر من، ولّا علامة يساوي. يبقى أول حاجة هنعملها هنطرح العددين دول من بعض. يعني هنطرح خمسمية أربعة وتسعين ناقص خمسمية تلاتة وتسعين. وهنطرح كل رقم من فوق مع الرقم اللي قصاده من تحت.

أربعة ناقص تلاتة بواحد. وتسعة ناقص تسعة بصفر. وخمسة ناقص خمسة بصفر. الأصفار اللي على الشِّمال هنا مالهاش قيمة، يبقى هنمسحها. يعني خمسمية أربعة وتسعين ناقص خمسمية تلاتة وتسعين هيساوي واحد. يبقى هنشيل الخمسمية أربعة وتسعين ناقص خمسمية تلاتة وتسعين من هنا، وهنكتب مكانها واحد. يعني السؤال هيكون: واحد، نقط، ميتين سبعة وعشرين.

طيّب الواحد أصغر من، ولّا أكبر من، ولا بيساوي الميتين سبعة وعشرين؟

يعني لو افترضنا إن هنا معانا جنيه، وهنا معانا ميتين سبعة وعشرين جنيه. أكيد الجنيه ده أقل من الميتين سبعة وعشرين جنيه، وبالتالي الواحد هيكون أصغر من الميتين سبعة وعشرين.

وبكده إجابة السؤال هتكون علامة أصغر من. يعني الخمسمية أربعة وتسعين ناقص خمسمية تلاتة وتسعين أصغر من الميتين سبعة وعشرين.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.