فيديو: إيجاد محيط الأشكال

إذا كان ﺃﺏﺟد متوازي أضلاع؛ حيث ﺏﺟ = ٨٩، ﻡﺏ = ٤٦، ﻡﺟ = ٧٨. ما محيط △ﺃﻡد؟

٠١:٤٢

‏نسخة الفيديو النصية

إذا كان أ ب ج د متوازي أضلاع؛ حيث ب ج يساوي تسعة وتمانين، وَ م ب يساوي ستة وأربعين، وَ م ج يساوي تمنية وسبعين؛ ما محيط المثلث أ م د؟

لإيجاد محيط المثلث أ م د عايزين نوجد أطوال أضلاعه. في متوازي الأضلاع، الأضلاع المتقابلة بتبقى متساوية في الطول، وقطراه ينصّف كلٌّ منهما الآخر.

مُعطى ب ج اللي هو تسعة وتمانين، يبقى معنى كده إن الضلع المتقابل معاه بيساويه في الطول، اللي هو أ د؛ يبقى هيساوي التسعة وتمانين. ومُعطى م ب ستة وأربعين، وده نص قطر؛ لأن م بتنصّف ب د، ينصّف القطران كلٌّ منهما الآخر؛ يبقى كمان م د بتساوي ب م تساوي ستة وأربعين. ومُعطى كمان م ج تمنية وسبعين. وزي ما قلنا الـ م هتنصّف الـ أ ج، يبقى الـ أ م هيساوي م ج هيساوي تمنية وسبعين. إذن في المثلث أ م د، أ م هتساوي تمنية وسبعين، وَ م د تساوي ستة وأربعين، وَ أ د يساوي تسعة وتمانين.

إذن محيط المثلث أ م د هيساوي مجموع أطوال أضلاعه، هيساوي تمنية وسبعين زائد ستة وأربعين زائد تسعة وتمانين، يساوي ميتين وتلتاشر، وهي دي قيمة محيط المثلث المطلوبة.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.