فيديو: الشغل: التعريف العلمي

عندما تكون القوة التي تؤثِّر على جسمٍ ما في نفس اتجاه حركة مركز الكتلة وموازيةً له، فإن الطاقة الميكانيكية _. عندما تكون القوة التي تؤثِّر على جسمٍ ما في عكس اتجاه حركة مركز الكتلة وموازيةً له، فإن الطاقة الميكانيكية _. [أ] تزيد، تزيد [ب] تزيد، تقلّ [ج] تقلّ، تزيد [د] تقلّ، تقلّ [ﻫ] تظل كما هي، تقلّ

٠١:٤٤

‏نسخة الفيديو النصية

عندما تكون القوة التي تؤثّر على جسم ما، في نفس اتجاه حركة مركز الكتلة، وموازية له. فإن الطاقة الميكانيكية نقط. عندما تكون القوة التي تؤثّر على جسم ما، في عكس اتجاه حركة مركز الكتلة، وموازية له. فإن الطاقة الميكانيكية نقط. أ: تزيد، تزيد. ب: تزيد، تقلّ. ج: تقلّ، تزيد. د: تقلّ، تقلّ. ﻫ: تظل كما هي، تقلّ.

فإحنا لو عندنا جسم بيتحرك بسرعة 𝑣. هنلاقي إن طاقة الحركة بتاعته بتساوي نص، في الكتلة بتاعة الجسم، في السرعة تربيع. فلو أثّرنا عليه بقوة في نفس اتجاه السرعة. هنلاقي إن طبقًا لقانون نيوتن الثاني، القوة دي بتساوي الكتلة في العجلة.

وناخد بالنا إن المعادلة دي معادلة متجهية. فده معناه إن اتجاه القوة، هو نفس اتجاه العجلة. فده معناه إن الجسم ده بيتسارع بعجلة في نفس اتجاه القوة. اللي هي في الحالة الأولانية، في نفس اتجاه السرعة. فده معناه إن السرعة بتاعتنا هتزيد. وبالتالي هنلاقي إن طاقة الحركة كمان بتزيد. فده معناه إن في الحالة الأولانية، لمّا كانت القوة في نفس اتجاه السرعة، الطاقة الميكانيكية كانت بتزيد.

أمّا لو نفس الجسم ده أثّرنا عليه بقوة، ولكن في عكس اتجاه السرعة. هنلاقي اتجاه العجلة في اتجاه القوة، اللي هو عكس اتجاه السرعة. فلمّا نرجع لقانون طاقة الحركة، هنلاقي إن لمّا السرعة بتقلّ، طاقة الحركة بتقلّ. فده معناه إن الحالة التانية، لمّا بتكون القوة في عكس اتجاه السرعة، الطاقة الميكانيكية بتقلّ. فعلشان كده هنختار الاختيار ب، اللي هو: تزيد، تقلّ.

وبكده نبقى عرفنا علاقة اتجاه القوة، بالطاقة الميكانيكية للجسم.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.