فيديو: تحويل الكتل من الكيلوجرامات إلى الجرامات

اكتب الناتج بالجرام: ٤٦ كجم + ٧٢ جم.

٠٢:٢٠

‏نسخة الفيديو النصية

اكتب الناتج بالجرام: ستة وأربعين كيلوجرام، زائد اتنين وسبعين جرام.

هل نقدر نجمع وزن بالكيلوجرام، مع وزن بالجرام؟ علشان نقدر نجمعهم، لازم نخلّي الوحدتين دول زيّ بعض. السؤال طالب منّنا الناتج بالجرام. علشان كده لازم نحوّل الكيلوجرام، لجرام. إحنا عارفين إن الواحد كيلوجرام، موجود فيه ألف جرام. يبقى الستة وأربعين كيلوجرام، هيكون فيهم كام جرام؟

علشان نعرف المجهول اللي هنا بكام، هنضرب ده في ده، على ده. يعني هنضرب الستة وأربعين في ألف، ونقسمهم على الواحد. أيّ حاجة بنقسمها على واحد، بتدّي لنا نفس الحاجة. يعني هتساوي ستة وأربعين في ألف. يعني بيساوي ستة وأربعين ألف جرام.

طريقة تانية ممكن نحوّل بيها الكيلوجرام، لجرام بسهولة. بإننا نضرب في ألف. وبالتالي ستة وأربعين كيلوجرام، هتساوي ستة وأربعين في ألف. يعني هتساوي ستة وأربعين ألف جرام.

هنجمع دلوقتي ستة وأربعين كيلوجرام، زائد اتنين وسبعين جرام. بس هنشيل الستة وأربعين كيلوجرام، وهنكتب مكانها ستة وأربعين ألف جرام، زائد اتنين وسبعين جرام. هنجمع رقم من فوق، مع الرقم اللي قصاده من تحت.

صفر زائد اتنين، باتنين. وصفر زائد سبعة، بسبعة. وبعدين هننزّل الصفر، وننزّل الستة، وآخر حاجة هننزّل الأربعة. وبكده يبقى إجابة السؤال: ستة وأربعين كيلوجرام، زائد اتنين وسبعين جرام، بعد ما هنحوّل الستة وأربعين للجرام؛ هتكون ستة وأربعين ألف اتنين وسبعين جرام.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.