فيديو: تحديد البيانات الكمية

أيٌّ من التالي ليس مثالًا لبيانات كمية؟ [أ] السن [ب] اسم المدرسة [ج] تاريخ انتهاء الصلاحية [د] سنة التخرج

٠١:٤٣

‏نسخة الفيديو النصية

أيٌّ من التالي ليس مثالًا لبيانات كَمية؟ أ: السن. ب: اسم المدرسة. ج: تاريخ انتهاء الصلاحية. د: سنة التخرج.

الأول تعالوا نفتكر إيه هي أنواع البيانات. عندنا نوعين من البيانات: بيانات كمية، وبيانات وصفية. البيانات الكمية هي بيانات بتُكتب في صورة أعداد. والبيانات الوصفية بيانات بتُكتب في صورة صفات.

تعالوا نشوف من الاختيارات دي أيهما ليس مثالًا لبيانات كمية. يعني أيهما مثالًا لبيانات وصفية. أول حاجة عندنا السن.

السن من البيانات الكمية ولّا من البيانات الوصفية؟ السن بنعبر عنه بعدد؛ يبقى من البيانات الكمية؛ لأن السن بيعبر عن كمية العمر اللي عاشه الشخص.

طب اسم المدرسة هل برضو بيتعبر عنه بعدد؟ الإجابة لأ؛ علشان كده اسم المدرسة هيكون من البيانات الوصفية.

تاريخ انتهاء الصلاحية بنعبر عنه بعدد. بنقول مثلًا إن المنتج ده صالح لمدة تلات سنوات. يعني تاريخ انتهاء الصلاحية بيعبر لنا عن الوقت اللي المنتج ده صالح فيه لحدّ ما يفسد. علشان كده تاريخ انتهاء الصلاحية من البيانات الكمية.

سنة التخرج بنعبر عنها بعدد. العدد ده نقدر نعرف منه كمية الوقت اللي درسناها في مرحلة معينة لحدّ التخرج. يبقى سنة التخرج هتكون من البيانات الكمية.

وبكده إجابة السؤال هتكون الاختيار التاني اسم المدرسة؛ لأن اسم المدرسة من البيانات الوصفية، وليس مثالًا لبيانات كمية.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.