فيديو: تكوين معادلة تربيعية في أبسط صورة بمعلومية جذرَيْها اللذين يتضمَّنان أعدادًا مُركَّبة‎

معاذ صالح

أوجد أبسط صورة للمعادلة التربيعية التي جذراها −١٤ﺕ، ١٤ﺕ.

٠٢:٠٦

‏نسخة الفيديو النصية

أوجد أبسط صورة للمعادلة التربيعية التي جذراها: سالب أربعة عشر ت، وأربعة عشر ت.

في المثال، الـ ت هو عدد تخيُّلي، بيساوي الجذر التربيعي لسالب واحد. وبالتالي الجذرين في المعادلة هيساووا سالب أربعتاشر في الجذر التربيعي لسالب واحد. والجذر التاني هيساوي أربعتاشر في الجذر التربيعي لسالب واحد. وعشان نكتب أبسط صورة للمعادلة التربيعية، اللي ليها الجذرين دول. هنعوّض بيهم في الصيغة: س تربيع، زائد مجموع الجذرين في س، زائد حاصل ضرب الجذرين؛ بيساوي صفر.

فأول حاجة نوجد مجموع الجذرين. فمجموع الجذرين هيساوي سالب أربعتاشر في الجذر التربيعي لسالب واحد، زائد أربعتاشر في الجذر التربيعي لسالب واحد. وبجمع الجذرين، الناتج هيساوي صفر. بعد كده نوجد حاصل ضرب الجذرين. فده هيساوي سالب أربعتاشر في الجذر التربيعي لسالب واحد، في أربعتاشر في الجذر التربيعي لسالب واحد.

الجذر التربيعي لسالب واحد، في الجذر التربيعي لسالب واحد، هيساوي سالب واحد. يبقى ده هيساوي سالب أربعتاشر في أربعتاشر في سالب واحد. وبضرب الأعداد دي، هيبقى الناتج بيساوي مية وستة وتسعين. وبالتعويض بمجموع الجذرين اللي بيساوي صفر، وبحاصل ضرب الجذرين اللي بيساوي مية وستة وتسعين، في الصيغة. المعادلة هتبقى: س تربيع، زائد صفر في س، زائد مية وستة وتسعين؛ بيساوي صفر. فممكن نحذف الحدّ الأوسط. فهتبقى أبسط صورة للمعادلة هي: س تربيع زائد مية وستة وتسعين بتساوي صفر.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.