تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.

فيديو: ضرب المقادير الكسرية الموجبة ذات الأسس الصحيحة الموجبة

نهال عصمت

أي من التالي يساوي (٣/٢)^٢ × (٣/٢)^٣ [أ] ٧٢٩/٦٤ [ب] ٢٤٣/٣٢ [ج] (٩/٤)^٥ [د] ٥٤/٢٤ [ﻫ] ٥٣١٤٤١/٤٠٩٦

٠٢:٠٨

‏نسخة الفيديو النصية

أي من التالي يساوي اتنين على تلاتة الكل أُس اتنين، في اتنين على تلاتة الكل أُس تلاتة؟ عندنا خمس اختيارات. الاختيار أ: أربعة وستين على سبعمية تسعة وعشرين. والاختيار ب: اتنين وتلاتين على ميتين تلاتة وأربعين. والاختيار ج: أربعة على تسعة الكل أس خمسة. والاختيار د: أربعة وعشرين على أربعة وخمسين. والاختيار هـ: أربعة آلاف ستة وتسعين على خمسمية واحد وتلاتين ألف ربعمية واحد وأربعين.

عند ضرب الكسرين كل كسر مرفوع لأُس. أول حاجة هنبدأ نبُص على الأساس. هنلاقي إن الأساس متساوي وهو اتنين على تلاتة. هنبدأ ننزّل الأساس زي ما هو. بعد كده نجمع الأُسُس. وبالتالي هيبقى عندنا اتنين على تلاتة الكل أُس اتنين، مضروبة في اتنين على تلاتة الكل أُس تلاتة. هتساوي … هننزّل الأساس زي ما هو. يعني اتنين على تلاتة. بعد كده هنجمع الأُسُس. هيبقى عندنا اتنين زائد تلاتة.

وبالتالي هتساوي … اتنين على تلاتة هتنزل زي ما هي. وهيبقى عندنا في الأُس اتنين زائد تلاتة بخمسة. بعد كده هنبدأ نوزع الأس على البسط والمقام. يعني هيساوي … في البسط هيبقى اتنين أس خمسة. وفي المقام هيبقى تلاتة أس خمسة. وبالتالي هيساوي اتنين أس خمسة باتنين وتلاتين. وتلاتة أس خمسة بميتين تلاتة وأربعين.

وبالتالي يبقى الإجابة بتاعتنا هي اتنين وتلاتين على ميتين تلاتة وأربعين. يبقى الاختيار الصواب هو الاختيار التاني، اللي هو ب: اتنين وتلاتين على ميتين تلاتة وأربعين.