فيديو: حل نظام معادلات خطية تتضمَّن نِسَبا مئوية

في وقت من الأوقات بالولايات المتحدة الأمريكية، كان هناك ٥٥٪ من ٣٩٨ فصيلة من الحيوانات ضمن قائمة الفصائل المهدَّدة بالانقراض من الثدييات والطيور والأسماك. بلغت نسبة الطيور ٠٫٧٪ أكثر من الأسماك، والأسماك ١٫٥٪ أكثر من الثدييات. ما نسبة الفصائل المهدَّدة بالانقراض من الثدييات والطيور والأسماك؟

٠٢:٣٦

‏نسخة الفيديو النصية

في وقت من الأوقات بالولايات المتحدة الأمريكية. كان هناك خمسة وخمسين في المية من تلتمية تمنية وتسعين فصيلة من الحيوانات ضمن قائمة الفصائل المهدَّدة بالانقراض من الثدييات والطيور والأسماك. بلغت نسبة الطيور سبعة من عشرة في المية أكثر من الأسماك. والأسماك واحد ونصّ في المية أكتر من الثدييات. ما نسبة الفصائل المهدَّدة بالانقراض من الثدييات والطيور والأسماك؟

مجموع نسب الفصائل المهدَّدة بالانقراض من الثدييات والطيور والأسماك هو خمسة وخمسين في المية. هنفترض إن نسبة الثدييات هي س في المية. الأسماك أكثر واحد ونصّ في المية من الثدييات. يعني نسبة الأسماك هتبقى س، اللي هي نسبة الثدييات زائد واحد ونصّ؛ لأنها أكتر منها بواحد ونصّ في المية. يبقى س زائد واحد ونصّ في المية. نسبة الطيور أكتر بسبعة من عشرة في المية من الأسماك. نسبة الأسماك هي س زائد واحد ونصّ. والطيور أكتر منها بسبعة من عشرة. يبقى زائد كمان سبعة من عشرة في المية. مجموع النسب دي هيمثّل خمسة وخمسين في المية. هيبقى س زائد س زائد واحد ونصّ زائد س زائد واحد ونصّ زائد سبعة من عشرة في المية بيساوي خمسة وخمسين في المية.

لو ضربنا الطرفين في مية هيبقى شكل المعادلة: س زائد س زائد واحد ونصّ زائد س زائد واحد ونصّ زائد سبعة من عشرة بيساوي خمسة وخمسين. هنجمع الحدود المتشابهة س زائد س زائد س بيساوي تلاتة س. زائد … واحد ونصّ زائد واحد ونصّ زائد سبعة من عشرة تلاتة وسبعة من عشرة مجموعهم. وهيبقى تلاتة س زائد تلاتة وسبعة من عشرة بيساوي خمسة وخمسين. هنضيف سالب تلاتة وسبعة من عشرة للطرفين، هيبقى تلاتة س بيساوي خمسة وخمسين ناقص تلاتة وسبعة من عشرة. خمسة وخمسين ناقص تلاتة وسبعة من عشرة بيساوي واحد وخمسين وتلاتة من عشرة.

هنقسم الطرفين على تلاتة. وَ س هتساوي واحد وخمسين وتلاتة من عشرة على تلاتة، اللي هي سبعتاشر وواحد من عشرة. وبكده قدرنا نجيب س؛ سبعتاشر وواحد من عشرة، اللي هي نسبة الثدييات. وهنعوض عن س بسبعتاشر وواحد من عشرة. هتبقى نسبة الأسماك سبعتاشر وواحد من عشرة زائد واحد ونصّ في المية. ودي هتساوي تمنتاشر وستة من عشرة في المية.

نسبة الطيور هتساوي س، اللي هي سبعتاشر وواحد من عشرة، زائد واحد ونصّ زائد سبعة من عشرة في المية. وده هيساوي تسعتاشر وتلاتة من عشرة في المية. وهتبقى النسب؛ الثدييات: سبعتاشر وواحد من عشرة في المية. الطيور: تسعتاشر وتلاتة من عشرة في المية. الأسماك: تمنتاشر وستة من عشرة في المية.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.