نسخة الفيديو النصية
اكتب هذه النسبة في أبسط صورة: نسبة محيط دائرة إلى نصف قطرها.
عشان نوجد نسبة محيط الدائرة إلى نصف قطرها، هنكتب قانون محيط الدائرة في طرف من أطراف النسبة، ونصف القطر في الطرف الآخر.
محيط الدائرة بيساوي اتنين 𝜋 نق، ونق هو نصف قطر الدائرة، يبقى النسبة هتبقى اتنين 𝜋 نق اللي هو محيط الدائرة، إلى نق اللي هو نصف قطر الدائرة. بعد كده نقسم طرفَي النسبة على نق، فالنسبة هتبقى اتنين 𝜋 نق على نق، إلى نق على نق.
وباستخدام التبسيط، النسبة هتبقى اتنين 𝜋 إلى واحد. ودي أبسط صورة للنسبة.
