فيديو: طرح عددين مُكوَّنين من عدة أرقام

اطرح ١١‎٢٢٣ من ٤٩‎٣٧٣.

٠١:٣٨

‏نسخة الفيديو النصية

اطرح حداشر ألف ميتين تلاتة وعشرين من تسعة وأربعين ألف تلتمية تلاتة وسبعين.

المطلوب هنا مننا في السؤال إننا نطرح العدد ده من العدد ده. دايمًا بنبتدي بالعدد اللي بعد كلمة من. يبقى هو العدد الأكبر. وبنطرح منه العدد الأول. يعني نقدر نكتب عملية الطرح بالطريقة دي: تسعة وأربعين ألف تلتمية تلاتة وسبعين ناقص حداشر ألف ميتين تلاتة وعشرين.

هنُجري عملية الطرح اللي عندنا دي رأسيًّا. هنبدأ بالعدد الأول. بنحطّه فوق، وتحته بنحطّ العدد الآخر اللي هنطرحه منه. ونتأكّد إن إحنا حاطّين كل رقم في الخانة المكانية المظبوطة. يعني الآحاد تحت الآحاد. العشرات تحت العشرات. المئات تحت المئات. والألوف … وهكذا.

ودايمًا بنبدأ الطرح من الآحاد. تلاتة ناقص تلاتة يساوي صفر. وبعدين هنبتدي نطرح الأرقام الموجودة في خانة العشرات. سبعة ناقص اتنين يساوي خمسة. وبعدين نطرح الأرقام اللي في خانة المئات. تلاتة ناقص اتنين يساوي واحد. وبعدين هنطرح الأرقام اللي موجودة في خانة الألوف. تسعة ناقص واحد هيساوي تمنية. وبعدين الأرقام اللي في خانة عشرات الألوف. أربعة ناقص واحد يساوي تلاتة.

يبقى كده وصلنا لناتج عملية الطرح اللي عندنا. وهو هيبقى: تمنية وتلاتين ألف مية وخمسين.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.