فيديو: كتابة متباينة لتمثيل قيد أو شرط في المسائل الواقعية

مشى سامح لمدة ٢٩ دقيقة قبل أن يصل إلى حرم الجامعة. استغرق على الأقل ٥ دقائق أخرى ليصل إلى قاعة المحاضرة. اكتب المتباينة التي تمثِّل الوقت الذي استغرقه سامح ليصل إلى قاعة المحاضرة.

٠٢:٣٤

‏نسخة الفيديو النصية

مشى سامح لمدة تسعة وعشرين دقيقة قبل أن يصل إلى حرم الجامعة. استغرق على الأقل خمس دقائق أخرى ليصل إلى قاعة المحاضرة. اكتب المتباينة التي تمثِّل الوقت الذي استغرقه سامح ليصل إلى قاعة المحاضرة.

تعالوا مع بعض نرسم الكلام اللي موجود في السؤال؛ علشان نعرف نحلّ السؤال بسهولة. هنفترض إن ده سامح. والنقطة اللي واقف عندها دي نقطة البداية؛ تسعة وعشرين دقيقة. لحدّ ما يوصل لحرم الجامعة. ومن حرم الجامعة، هيمشي كمان لمدة خمس دقائق على الأقل. ونركِّز على كلمة على الأقل. في السؤال قال لنا: إن سامح استغرق على الأقل خمس دقائق أخرى ليصل إلى قاعة المحاضرة. كلمة على الأقل هنا معناها إن أقل وقت استغرقه سامح كان خمس دقائق. ممكن يبقى أكتر من كده. يعني ممكن تبقى خمس دقايق وثواني، بس اتقرَّبت لخمس دقايق.

السؤال هنا عايز مننا متباينة تمثِّل الوقت اللي استغرقه سامح ليصل إلى قاعة المحاضرة. يعني مطلوب مننا إننا نمثِّل الوقت اللي مشاه سامح من أول البداية لحدّ ما وصل لقاعة المحاضرة في صورة متباينة. دلوقتي محتاجين نحسب الوقت اللي مشاه سامح من البداية لحدّ ما وصل لقاعة المحاضرة كان كام دقيقة.

ببساطة، هنجمع الوقت اللي مشاه سامح من البداية لحدّ حرم الجامعة، زائد الوقت اللي مشاه سامح من حرم الجامعة لحدّ قاعة المحاضرة. تسعة وعشرين دقيقة زائد خمس دقائق بيساوي أربعة وتلاتين دقيقة. وده أقلّ وقت استغرقه سامح لحدّ ما وصل لقاعة المحاضرة.

دلوقتي هنكتب المتباينة اللي بتمثّل الوقت. هنرمز للوقت بالرمز س. س هنا ممكن تبقى بتساوي أربعة وتلاتين دقيقة أو أكتر من كده بشوية. لأن الأربعة وتلاتين دقيقة اللي إحنا حسبناهم دول كانوا أقلّ وقت مشاه سامح. يعني ممكن يكون الوقت أزيد من أربعة وتلاتين دقيقة بشوية ثواني. وعلشان كده هتكون المتباينة: س أكبر من أو بيساوي أربعة وتلاتين.

وبكده تبقى المتباينة التي تمثِّل الوقت الذي استغرقه سامح ليصل إلى قاعة المحاضرة هتكون: س أكبر من أو بيساوي أربعة وتلاتين.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.