فيديو: إيجاد قياس إحدى الزاويتين المتتامَّتين المتطابقتين

إذا كانت ∠ﺃ، ∠ﺏ زاويتين متتامتين ومتطابقتين، فما ق∠ﺏ؟

٠١:٥١

‏نسخة الفيديو النصية

إذا كانت الزاوية أ والزاوية ب زاويتين متتامّتين ومتطابقتين، فما قياس الزاوية ب؟

يعني أول حاجة معطى في السؤال إن الزاويتين أ وَ ب زاويتين متتامّتين. وخلّينا نفتكر إن الزاويتين المتتامّتين هما الزاويتين اللي مجموع قياسهم تسعين درجة؛ فمعنى كده إن الزاويتين أ وَ ب مجموع قياسهم تسعين درجة، وبالتالي هيبقى قياس الزاوية أ زائد قياس الزاوية ب يساوي تسعين درجة.

بعد كده معطى عندنا في السؤال إن الزاويتين أ وَ ب زاويتين متطابقتين. وخلّينا نفتكر إن الزوايا المتطابقة هي الزوايا اللي ليها القياس نفسه؛ وبالتالي هيبقى قياس الزاوية أ يساوي قياس الزاوية ب، والمطلوب في السؤال إننا نوجد قياس الزاوية ب.

فلمّا نيجي للمعادلة اللي عندنا، اللي هي قياس الزاوية أ زائد قياس الزاوية ب يساوي تسعين درجة؛ فبما إننا عرفنا إن قياس الزاوية أ يساوي قياس الزاوية ب، فنقدر نعوّض في المعادلة هنا عن قياس الزاوية أ بقياس الزاوية ب. فلمّا نعوّض عن قياس الزاوية أ بقياس الزاوية ب، فهتبقى المعادلة: قياس الزاوية ب زائد قياس الزاوية ب يساوي تسعين درجة.

بعد كده نقدر نجمع قياس الزاوية ب زائد قياس الزاوية ب، واللي هيساوي اتنين قياس الزاوية ب؛ فهتبقى المعادلة اتنين قياس الزاوية ب يساوي تسعين درجة. فعشان نوجد قياس الزاوية ب، يبقى هنقسم طرفَي المعادلة على اتنين؛ فهيبقى الطرف الأيمن للمعادلة اتنين قياس الزاوية ب على اتنين. فنقدر نختصر اتنين مع اتنين، فيبقى الطرف الأيمن قياس الزاوية ب، وأمّا الطرف الأيسر للمعادلة فيبقى بيساوي تسعين درجة على اتنين. فأمّا نقسمها هتبقى بتساوي خمسة وأربعين درجة؛ وبالتالي هيبقى قياس الزاوية ب بيساوي خمسة وأربعين درجة.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.