فيديو: فَهْم القيمة المكانية في الأعداد العشرية

أيٌّ من هذه الأعداد يقع آخر رقم منه في خانة الجزء من ألف؟ [أ] ٠٫١٩ [ب] ٠٫٢٣٥ [ج] ٠٫٣٠٤ [د] ١٫١٣ [ﻫ] ١٫٣٨

٠١:٣٣

‏نسخة الفيديو النصية

أي عدد من هذه الأعداد يقع آخر رقم منه في خانة الجزء من ألف؟ أي عدد مكتوب على الصورة دي، هنشوف العلامة اللي عندنا أول رقم بعد العلامة بيعبّر عن الأجزاء من عشرة، الرقم التاني اللي جنبه بيبقى بيعبّر عن الأجزاء من مائة، تالت رقم بعد العلامة على اليمين ويبقى بيعبر عن الأجزاء من ألف.

هنشوف الأعداد اللي عندنا ونشوف أي عدد فيهم فيه تلات أرقام بعد العلامة العشرية، لو فيه تلات أرقام بعد العلامة يبقى دي معناها إن آخر رقم منه هيبقى موجود في خانة الجزء من ألف، لو بصينا للعدد الأول هنلاقيه ما بيحققش اللي إحنا طالبينه، فيه رقمين بس بعد العلامة العشرية، لو بصينا على العدد اللي بعد كده هنلاقي إن فيه تلات أرقام بعد العلامة العشرية، معناها إن ده هيحقق اللي إحنا عايزينه، أما العدد التالت فبرضو فيه تلات أرقام بعد العلامة العشرية، يبقى ده كمان هيحقق اللي إحنا عايزينه، أما العدد الرابع والخامس فالاتنين فيهم رقمين بس بعد العلامة العشرية، فيبقوا مش بيحققوا المطلوب.

يبقى كده العددين اللي بيحققوا إن آخر رقم فيهم يبقى موجود في خانة الجزء من ألف هما العددين دول، بنقراهم: تلتمية وأربعة من ألف، وميتين خمسة وتلاتين من ألف.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.