فيديو: طرح الأعداد الصحيحة التي تمثل الكتلة

كان وزن سالي في العام الماضي ١٠٧ كجم. الآن، تزن سالي ٥٧ كجم. كم فقدت سالي من الوزن؟

٠٢:٠١

‏نسخة الفيديو النصية

كان وزن سالي في العام الماضي، مية وسبعة كيلوجرام. الآن تزن سالي سبعة وخمسين كيلوجرام. كم فقدت سالي من الوزن؟

هنفترض إن ده كان شكل سالي في العام الماضي. وكان وزنها مية وسبعة كيلوجرام. خسّت سالي، وفقدت وزن، وأصبح شكلها دلوقتي كده. ووزنها سبعة وخمسين كيلوجرام. السؤال بيسألنا: كم فقدت سالي من الوزن؟ يعني عايزين نعرف سالي نقصت كام كيلوجرام من وزنها.

ببساطة، هنطرح وزن سالي العام الماضي، ناقص وزنها دلوقتي. يعني هنطرح مية وسبعة كيلوجرام، ناقص سبعة وخمسين كيلوجرام. هنطرح كل رقم من فوق، مع الرقم اللي قصاده من تحت.

سبعة ناقص سبعة، بيساوي كام؟ لو معانا سبع تفاحات في طبق، وأكلنا منهم سبعة، هيتبقّى كام في الطبق؟ مش هيتبقّى حاجة. يعني هيتبقّى صفر. دلوقتي هنطرح صفر ناقص خمسة. هل ينفع نطرح صفر ناقص خمسة؟ وعلشان كده هنستلف واحد من اللي جنب الصفر. الواحد دي هتبقى بصفر، والصفر ده هيبقى بعشرة. عشرة ناقص خمسة، بيساوي خمسة.

هنطرح دلوقتي الصفر من الرقم اللي تحته. بس للأسف ما فيش رقم تحته. يعني هنعتبر إن هنا فيه صفر. صفر ناقص صفر، بيساوي صفر. الصفر على الشمال مالهوش قيمة، هنمسحه. وبكده يبقى إجابة السؤال: «كم فقدت سالي من الوزن؟» هيكون … مية وسبعة كيلوجرام … مية وسبعة كيلوجرام، ناقص سبعة وخمسين كيلوجرام، بيساوي خمسين كيلوجرام.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.