فيديو: كتابة الصيغ الجبرية لمساحات الأشكال المركبة

أوجد المقدار الجبري لمساحة الشكل الآتي.

٠٢:٠١

‏نسخة الفيديو النصية

اوجد المقدار الجبري لمساحة الشكل الآتي.

مدّينا رسمة موجودة قدامنا. وعايز مساحة الشكل اللي موجود في هذا الرسم. لكن الشكل اللي موجود قدامنا، هو شكل ما نقدرش نجيب مساحته. فلازم نقسّمه لمجموعة من الأشكال، اللي نقدر نجيب مساحتها. نقدر نقسّم الشكل اللي موجود قدامنا إلى مجموعة من الأشكال. هنلاحظ إن هينتج عندنا أربع مربعات بالأصفر طولها س. نعرف إن مساحة المربع بتساوي طول الضلع تربيع. وطول الضلع عندنا س، تبقى مساحة المربع س تربيع. ويبقى مساحة أربع مربعات هيساوي أربعة س تربيع. المربعات المظللة بالأصفر.

لكن هيتبقّى الجزء المستطيل في النص؛ عايزين نعرف طوله، ونعرف عرضه. طول الشكل كله خمستاشر س، زي ما هو معطى في المسألة. لكن إحنا خدنا س وَ س في المربع اللي فوق، والمربع اللي تحت. يبقى الطول المتبقّي هو تلتاشر س. أمّا العرض، فهو س زائد س زائد س؛ يعني تلاتة س. وكده قدرنا نجيب طول المستطيل وعرضه.

ونعرف إن مساحة المستطيل بتساوي الطول في العرض. الطول تلتاشر س. والعرض تلاتة س. وده بيساوي تسعة وتلاتين س تربيع. يبقى مساحة الشكل كله هتبقى عبارة عن مساحة المستطيل، زائد مساحة أربع مربعات. مساحة أربع مربعات اللي هي أربعة س تربيع. زائد مساحة المستطيل تسعة وتلاتين س تربيع. وده بيساوي تلاتة وأربعين س تربيع. وبكده هيكون المقدار الجبري لمساحة الشكل اللي موجود قدامنا، بيساوي تلاتة وأربعين س تربيع.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.