فيديو: التحويل من الأمتار المكعبة إلى ملليلترات

اكتب ٨٧ م^٣ بالملليلتر.

٠٠:٥٣

‏نسخة الفيديو النصية

اكتب سبعة وتمانين متر مكعب بالملليلتر.

يعني معطى عندنا السعة دي، أو الكمية دي، بالمتر المكعب، وعايزين نكتبها بالملليلتر. وفي الأول خلينا نفتكر إن المتر المكعب الواحد بيساوي مليون ملليلتر. وبنكتب ملليلتر: م ل ل. فبالتالي علشان نكتب سبعة وتمانين متر مكعب بالملليلتر، يبقى هنضرب عدد الأمتار المكعبة في مليون؛ علشان نحوّلها إلى ملليلتر.

فبالتالي لمّا نضرب سبعة وتمانين متر مكعب في مليون، فيبقى حاصل الضرب هو نفس العدد سبعة وتمانين، وهنضيف على يمينه ست أصفار. فهيبقى الناتج هو سبعة وتمانين مليون. وأمّا الوحدة فهتبقى ملليلتر، وبنكتبها بالشكل ده. وبالتالي هتبقى الإجابة هي: سبعة وتمانين مليون ملليلتر.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.