فيديو: المُكثِّفات وسعة المُكثِّف

ما السعة الكهربية لقبة كبيرة في مُولِّد فان دي جراف، إذا كانت تخزِّن شحنة كهربية مقدارها 5.00mc عند فرق جهد مقداره 6.0𝜇V؟

٠١:٣٣

‏نسخة الفيديو النصية

ما السعة الكهربية لقبّة كبيرة في مولّد فان دي جراف، إذا كانت تخزّن شحنة كهربية مقدارها خمسة مللي كولوم عند فرق جهد مقداره ستة ميجا فولت؟

فمولّد فان دي جراف ده عبارة عن قبّة كبيرة من المعدن، متوصّل عليها فرق جهد كبير جدًّا، اللي هو في حالتنا ستة ميجا فولت. ففرق الجهد الكبير ده بيؤدّي إن يتكوّن شحنات على سطح القبّة دي. وفي المسألة بتاعتنا، الشحنات دي بتساوي خمسة مللي كولوم. والمطلوب منّنا إن إحنا نعرف السعة الكهربية للقبّة دي. والسعة الكهربية دي بتعبّر عن كمّيّة الشحنة اللي تقدر تتحطّ على سطح المعدن لمّا يتحطّ عليه فرق جهد معيّن. وعشان كده قانون السعة الكهربية بيساوي كمية الشحنة مقسوم على فرق الجهد.

فلمّا نعوّض بالمعطيات بتاعتنا، هنلاقي إن السعة بتساوي خمسة مللي كولوم، مقسومة على ستة ميجا فولت. نقدر نحوّل المللي كولوم لعشرة أُس سالب تلاتة كولوم. والميجا فولت هنحوّلها لعشرة أُس ستة فولت. فده هيدّينا إن السعة الكهربية بتساوي تلاتة وتمانين من المية في عشرة أُس سالب تسعة كولوم على فولت.

ووحدة الكولوم على فولت دي بتساوي وحدة تانية بنعبّر بيها عن السعة الكهربية، بنسمّيها فاراد. فهنشيل الكولوم على فولت، ونحطّ مكانه فاراد. والعشرة أُس سالب تسعة دي ممكن نحوّلها لنانو. فكده ممكن نقول: إن السعة الكهربية بتساوي تلاتة وتمانين من المية نانو فاراد.

وبكده نبقى عرفنا نجيب السعة الكهربية للقبّة الكبيرة بتاعة مولّد فان دي جراف.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.