فيديو: النموذج التجريبي الأول • الإستاتيكا • ٢٠١٩ • السؤال الثالث عشر

النموذج التجريبي الأول • الإستاتيكا • ٢٠١٩ • السؤال الثالث عشر

٠٣:٠٥

‏نسخة الفيديو النصية

إذا أثّرت القوة متجه ق تساوي تلاتة متجه س زائد متجه ص ناقص اتنين متجه ع، في النقطة أ، واحد وسالب اتنين واتنين. فأوجد مركبة عزم متجه ق حول المحور ص.

عندنا قوة ق بتؤثر في النقطة أ، واحد وسالب اتنين واتنين. ومطلوب منّنا إيجاد عزم القوة دي حوالين محور الصادات. عزم القوة ق حوالين نقطة الأصل هو متجه ج و. واللي نقدر نحسب قيمته عن طريق المحدّد اللي قدامنا. حيث متجه س وَ متجه ص وَ متجه ع، هي متجهات الوحدة. وَ س وَ ص وَ ع، هم بُعد نقطة أ عن نقطة الأصل صفر وصفر وصفر. يعني هي هيّاها إحداثيات النقطة أ، واحد وسالب اتنين واتنين. أمّا ق س وَ ق ص وَ ق ع، هم تلاتة وواحد وسالب اتنين. فكده يبقى إحنا عندنا زيّ ما قلنا إن س وَ ص وَ ع بيساووا واحد وسالب اتنين واتنين. وَ ق س وَ ق ص وَ ق ع، هم تلاتة وواحد وسالب اتنين. ودي هي المعطيات اللي هتساعدنا في حل السؤال.

وإحنا عندنا متجه ج و بيساوي المحدّد اللي قدامنا. مِن فك المحدّد، فيبقى عندنا متجه ج و بيساوي ج س في اتجاه المتجه س، زائد ج ص في اتجاه المتجه ص، زائد ج ع في اتجاه المتجه ع. والمطلوب عندنا في السؤال إيجاد مركبة عزم متجه ق حول المحور ص. يعني إيجاد ج ص. حيث ج ص هي مركبة عزم القوة لمتجه ق حول محور الصادات. وهي المطلوبة عندنا في السؤال. طيب إحنا عندنا ج ص بتساوي إيه؟

لو جينا في المحدّد بتاعنا، وعند متجه ص شطبنا الصف الأول مع العمود التاني، هيتبقّى لنا قيمة ج ص. اللي هي عبارة عن ع مضروبة في ق س، ناقص س مضروبة في ق ع. فمن هنا نقدر نقول إن ج ص بتساوي ع في ق س، ناقص س في ق ع. وهو ده القانون اللي هنستخدمه في إيجاد ج ص. إحنا عندنا ع هي الاتنين، وَ ق س هي تلاتة. يبقى ج ص هتساوي اتنين في تلاتة. بعدين نكتب الناقص. وعندنا س اللي هي واحد، مضروبة في ق ع اللي هي سالب اتنين. يبقى نقول واحد في سالب اتنين جوّه قوس. يبقى ج ص بتساوي ستة ناقص سالب اتنين، اللي هي تمنية. فبالتالي مركبة عزم القوة متجه ق حول المحور ص بتساوي تمنية. وهي دي الإجابة الصح.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.