فيديو: إيجاد قيمة المقدار الجبري

احسب لﻥ^٢/(ت + ١١)؛ حيث ﻥ = ٤، ل = ٥، ت = ٥.

٠١:١٧

‏نسخة الفيديو النصية

احسب ل في ن تربيع، على ت زائد حداشر؛ حيث ن تساوي أربعة، وَ ل تساوي خمسة، وَ ت تساوي خمسة.

يعني معطى عندنا المقدار ده وعايزين نحسب قيمته، ومعطى عندنا في السؤال إن ن تساوي أربعة، وَ ل تساوي خمسة، وَ ت تساوي خمسة. فهنعوّض في المقدار عن ل وَ ن وَ ت بقيمهم المعطاة في السؤال، فيبقى المقدار عندنا: ل هنعوّض بقيمتها اللي هي خمسة؛ في ن تربيع، ومعطى عندنا إن ن بتساوي أربعة، فيبقى خمسة في أربعة تربيع؛ الكل على ت زائد حداشر، ومعطى عندنا إن ت بتساوي خمسة، فيبقى خمسة زائد حداشر.

فلمّا نحسب المقدار اللي عندنا هيبقى البسط خمسة في أربعة تربيع، وأربعة تربيع بتساوي ستاشر، فيبقى البسط خمسة في ستاشر؛ وأما المقام فهيبقى خمسة زائد حداشر، فلمّا نحسبها هتبقى بتساوي ستاشر. فبالتالي هيبقى المقدار هو خمسة في ستاشر على ستاشر. بعد كده عشان نحسب قيمته، نقدر نختصر في الأول ستاشر مع ستاشر، فيتبقّى عندنا خمسة؛ فبالتالي هيبقى قيمة المقدار المعطى عندنا في السؤال هو خمسة.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.