فيديو: إيجاد العدد المجهول في معادلة جمع بالعَدِّ

يجب أن يكون نفس العدد على جانبي علامة التساوي. كم مكعبًا يجب أن يكون في المربع الفارغ؟

٠٢:١٦

‏نسخة الفيديو النصية

يجب أن يكون نفس العدد على جانبي علامة التساوي. كم مكعبًا يجب أن يكون في المربع الفارغ؟

السؤال بيقول لنا إيه؟ عندنا في الصورة اللي قدامنا دي، فيه الجزء ده بيساوي، علامة التساوي أهي، الجزء ده. وبيقول لنا إن لازم العدد اللي بيكون موجود هنا يساوي العدد اللي موجود هنا. فعاوزين نعرف بقى المربع الفاضي ده، المفروض يكون فيه كام مكعب؛ علشان الجزء اليمين يساوي الجزء الشمال؟

أول حاجة هنعملها، هي إنها نشوف الجزء الشمال فيه كام مكعب. لو بصينا هنا وعدّينا؛ واحد، اتنين، تلاتة، أربعة، خمسة، ستة، سبعة، تمنية، تسعة، عشرة، حداشر، اتناشر. اتناشر مكعب لونهم لبني. طيب وكام مكعب لونه أخضر؟ واحد، اتنين، تلاتة، أربعة، خمسة، ستة، سبعة. يبقى هنا فيه اتناشر مكعب لونهم لبني، وسبع مكعبات لونهم أخضر.

اللي حصل إن همّ اتفرقوا. هنحط هنا المكعبات اللي لونها لبني، وهنا المكعبات اللي لونها أخضر. طب تعالوا كده نعدّ المكعبات اللي لونها أخضر؛، واحد، اتنين، تلاتة، أربعة، خمسة، ستة، سبعة. آه يبقى هنا فيه السبعة. طيب يبقى ده فيه الإيه؟ الاتناشر. اللي لونهم إيه؟ لبني. بالشكل ده.

يبقى كده إيه؟ إحنا قسّمنا المكعبات اللي عندنا هنا لجزئين؛ جزء المكعبات اللي لونها أخضر واللي عددهم سبعة. وجزء المكعبات اللي لونهم لبني واللي عددهم اتناشر؛ علشان يدينا عدد المكعبات الكلي ده، واللي هو تسعتاشر مكعب. يبقى ده معناه إيه؟ إن اتناشر زائد سبعة تساوي تسعتاشر.

طيب نيجي بقى نرد على السؤال بتاعنا، إحنا حطينا كام مكعب في المربع الفارغ؟ حطينا اتناشر. يبقى الإجابة بتاعتنا هي اتناشر، ودي عدد المكعبات اللبنية اللي كانت ناقصة في المربع الخالي.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.