فيديو: الضرب في ١٠

يوضح الفيديو ما الضرب، وكيفية ضرب الأعداد في ١٠ باستخدام الأنماط، وأمثلةً عليها.

٠٤:٤٤

‏نسخة الفيديو النصية

دلوقتي هنتكلّم عن الضرب في عشرة. هنلاحظ إن الضرب هو عملية على عددين يمكن وصفها بأنها جمع متكرّر. والإشارة دي معناها الضرب. هنتعلّم إزاي نجيب ناتج الضرب في العدد عشرة.

هناخد مثال.شاهد محمد وهو ماشي على الشاطئ آثار أقدام. فبدأ بعدّ الصوابع، فكانت عشر صوابع في كل زوج من آثار الأقدام. فكم صباعًا في ثلاثة أزواج؟ هنلاحظ إنه بتساعد الأنماط في إيجاد نواتج الضرب في العدد عشرة. يعني عشان نعرف عدد الصوابع اللي عدّها محمد، هنجيب ناتج الضرب عشرة في تلاتة.

هنستعمل الأنماط. هنلاحظ إنه عشرة في واحد هيساوي عشرة. عشرة في اتنين هيساوي عشرين. عشرة في تلاتة هيساوي تلاتين. عشرة في أربعة هيساوي أربعين. وعشرة في خمسة هيساوي خمسين. وبكده أقدر أقول إنه عشرة في تلاتة هيساوي تلاتين.

وبكده هنلاحظ إنه ناتج ضرب أيّ عدد في عشرة هو العدد نفسه، وبنزوّد صفر في الآحاد. زيّ ما هو موضّح قدّامي. وبكده هنلاحظ كمان إنه دايمًا رقم الآحاد في جميع النواتج هو صفر. ممكن نستخدم العدّ بالنطّ على خطّ الأعداد، عشان أجيب ناتج ضرب عشرة في تلاتة.

هرسم خطّ الأعداد. وبالتالي هيكون عندي تلات نطّات متساوية، كل نطّة بعشر وحدات. يعني: عشرة، عشرين، تلاتين. وبكده أقدر أقول إنه عشرة في تلاتة هيساوي تلاتين. إذن عدّ محمد تلاتين صباع.

هنكمّل في الصفحة اللي جايّة.أحمد جمّع تمن ورقات نقدية من فئة عشرة جنيه. فكم جنيه مع أحمد؟

هبتدي العدّ: عشرة، عشرين، تلاتين، أربعين، خمسين، ستين، سبعين، تمانين. وبكده أقدر أقول إنه أحمد جمّع تمنية في عشرة. تمن ورقات، كل ورقة بعشرة جنيه، يعني جمّع تمانين جنيه.

ممكن نستعمل الجمع المتكرّر، عشان نجيب عدد الجنيهات اللي جمّعها أحمد. وبالتالي هيكون هو عشرة زائد عشرة، زائد عشرة، زائد عشرة، زائد عشرة، زائد عشرة، زائد عشرة، زائد عشرة. يعني هيساوي تمانين.

هناخد مثال تاني في الصفحة اللي جايّة.أوجد ناتج الضرب، مستعملًا الأنماط أو النماذج. عشرة في عشرة.

عشان أجيب ناتج ضرب عشرة في عشرة، هستعمل الأنماط. عشرة في واحد هيساوي عشرة. عشرة في اتنين هيساوي عشرين. عشرة في تلاتة هيساوي تلاتين.لمّا هنكمّل لحدّ ما نوصل لعشرة في عشرة، هنلاحظ إنه ناتج ضرب عشرة في عشرة هيساوي مية.

هنكمّل في الصفحة اللي جايّة.في حديقة الحيوان خمس زرافات، وعشر بطّات. كم رِجلًا للزرافات والبطّات معًا؟

في البداية هنستعمل النماذج. بما إنه عدد الزرافات هو خمسة، فهرسم خمس مجموعات. في كل مجموعة أربع قطع؛ لأن كل زرافة عندها أربع أرجل. وبكده أقدر أقول إنه عدد أرجل الزرافات هيساوي خمسة في أربعة. يعني هيساوي عشرين.

أمّا البطّات فعددهم عشرة. وبالتالي هرسم عشر مجموعات.في كل مجموعة هرسم قطعتين؛ لأن كل بطّة عندها رِجْلين. وبكده أقدر أقول إنه عدد أرجل البطّات هيساوي عشرة في اتنين، يعني هيساوي عشرين.

وبكده أقدر أقول إنه عدد أرجل الزرافات والبطّات معًا هيساوي عشرين زائد عشرين. عشرين زائد عشرين هيساوي أربعين. يعني أربعين رِجلًا للزرافات والبطّات معًا. وبكده هنكون اتعلّمنا إزاي نجيب ناتج الضرب في العدد عشرة. وهنلاحظ دايمًا إنه ناتج الضرب في العدد عشرة بيكون عدد رقم آحاده هو صفر.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.