فيديو: إيجاد ارتفاع مثلث بمعلومية طول قاعدته ومساحته

أوجد ارتفاع المثلث الذي طول قاعدته ١٣ سم، ومساحته ٢٩٩ سم^٢.

٠٢:٠٤

‏نسخة الفيديو النصية

أوجد ارتفاع المثلث الذي طول قاعدته تلتاشر سنتيمتر، ومساحته ميتين تسعة وتسعين سنتيمتر مربع.

بما إن مساحة المثلث معطاة عندنا في السؤال، فممكن نستخدم قانون حساب مساحة المثلث؛ لإيجاد ارتفاع هذا المثلث. فبنلاقي إن مساحة المثلث بتعطى بالقانون التالي: مساحة المثلث بتساوي نُصّ في طول القاعدة في الارتفاع. بالتعويض بالمعطيات في القانون التالي. بنعوّض عن مساحة المثلث بميتين تسعة وتسعين. تساوي نُصّ في … طول القاعدة عندنا بتلتاشر. في الارتفاع.

بعد كده هنعزل الارتفاع في طرف. وده هيتمّ من خلال ضرب الطرفين في اتنين على التلتاشر. يبقى اتنين عَ التلتاشر في ميتين تسعة وتسعين هتساوي اتنين عَ التلتاشر في، واحد على الاتنين، في تلتاشر في الارتفاع. بعد كده بنلاقي فيه عامل مشترك أكبر بين البسط والمقام في الطرف اليمين. ميتين تسعة وتسعين لو قسمناها على التلتاشر، فبنلاقي إن الناتج هيكون تلاتة وعشرين. وتلتاشر على التلتاشر، الناتج بواحد.

بعد كده بنختصر اتنين في البسط مع اتنين في المقام في الطرف الشِّمال. وتلتاشر في المقام مع تلتاشر في البسط. وبكده يبقى الارتفاع هيساوي اتنين في تلاتة وعشرين، هيساوي ستة وأربعين سنتيمتر. يبقى ارتفاع هذا المثلث يساوي ستة وأربعين سنتيمتر.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.